No.640/2021-2022

Aizawl the 22nd May, 2021 : COVID-19 hrileng laka mipui himna tur atanga inkhuahkhirhna kalpui mekah pawn chhuah leh zin veivah khap a ni a. State pawn atanga Inner Line Permit (ILP) hmanga rawn lutte chungchangah Aizawl DC chuan a hnuai a mi ang hian hriattirna a chhuah:

1. ILP hmanga Mizoram-a awmte chu anmahni chhawrtu (sponsor)-te hriat lohin Mizoram chhuahsan emaw, Mizoram chhungah pawh hmundanga kal phal a ni lo.

2. Hnamdang chhawrtu (ILP sponsor) chuan an mi chhawrte awmna chin leh hnathawhte an hriatpui reng tur a ni. Sponsor an nih angin an mi chhawrte chet vel leh hnathawhah mawh an phur a. Thuneitu-in a mamawh hunah Sponsor hian a mi chhawr lai awmna/khawsakna hmun a hrilh thei tur a ni. Hetiang ti thei lo chungah chuan Dan anga action lak a ni ang.

3. Hnamdang (ILP holder) chhawrtu (Sponsor)ten an awmna LLTF/VLTF hnenah Dt. 24.5.2021 (Monday) ral hma-in an mi chhawrte hming leh address kimchang an thehlut vek tur a ni a. LLTF/VLTF ten chung Pass holder-te chu an la awm reng em tih lo chian ni se.