Vawiin khan DC Conference Hall, Mamit-ah Dr Lalrozama, District Bawrhsap kaihruaina-in Mamit khawpui chhunga danlo anga lo lut sumdawng/hnathawk hnamdang awmte dapchhuah dan tur ngaihtuahin thutkhawm a ni.

Meeting kaihruaitu Dr Lalrozama chuan Mizoram Home Department atanga thu hmuh angin Mamit khawpui chhunga danlo anga hnamdang awmte dapchhuah an nih dawn thu a sawi a, dan hnuaia dik taka awmte tan Mamit khawpui chhungah zalen taka awm theih a ni a, amaherawhchu danlo anga awmte erawh dapchhuah a tul thu sawiin hemi kawnga hmalak pui turin Khawtlang hruaitu, Tlawmngai pawlte nena thawhho a tul dawn thu a sawi a ni.

Meeting-ah hian Police Department-te, Khawtlang hruaitu leh Tlawmngai pawlte nena thawhhona tur hrang hrang sawiho niin ruahmanna siam  nghal a ni.

Meeting-ah hian Pu Shashank Jaiswal, IPS, SP Mamit, Jt.VC leh MZP Hqrs Mamit aiawhte bakah khawtlang hruaitute leh Tlawmngaipawl hruaitute an tel a ni.