2766/2024-2025
Khawzawl, dated 30th October, 2024: Khawzawl Deputy Commissioner, Pu K. Vanlalthiana chuan Inner Line Permit (ILP) dilna online a kalpui tur a ni tih hriattirna hetiang hian a chhuah:
"HRIATTIRNA
Mizoram Sawrkar, Home Department lehkha No.F.22018/1/2020- HM(ILP)/Pt. Dt.17.10.2024 in a tarlan angin Mizoram pumah November ni 1, 2024 atangin Inner Line Permit (ILP) dilna chu online a kalpui a ni tawh dawn a ni tih mipuite kan inhriattir a. Dilna hi ilp.mizoram.gov.in atanga thehluh tur a ni ang.
1. Dilna hi Sponsor-tuin portal-a a in register hnuah thehluh tur a ni.
2. Portal in a phut ang document -te chu sponsor-tu in portal-ah kim takin a upload tur a ni.
3. Dilna te approve a nih hnuah sponsor-tuin a mobile number-ah SMS in reference number a dawng ang.
4. ILP fee pawh online a pek vek tawh tur a ni a, fee pek a nih hnuin reference number hmangin ILP download theih a ni ang.
5. Security deposit chu ILP surrender a nih hnuah chauh pek kir a ni ang.
6. ILP holder-te chuan engtik lai pawhin an ILP copy chu mobile phone (soft copy) emaw print-in (physical copy) emaw an kawi reng tur a ni.
7. November ni 1, 2024 hmaa ILP lo pekchhuah tawhte chuan an ILP valid chhung chu an la hmang thei ang.
8. Hriatthiam loh leh zawh fiah duh neite chuan Deputy Commissioner Office, Khawzawlah zawhfiah theih a ni."
