Vawiin khan Pu H. Lalengmawia Deputy Commissioner Kolasib chuan Bairabi tlawhin Official thenkhat leh khawtlang hruaitute a kawm a, Bairabi hmun a Rail lian lo thlen hnuah hnam dang ILP neilo an lo pungthar ta ni a lang chungchang thu a sawi.

Hemi chungchang ah hian hma lak tawhna hrang hrang te thlir ho a nih hnuah tun dinhmunah hnam dang phalna nei lova lo lutte an tam phah chuanglo ni a hriat a ni a.

Hun lo kal leh zel tur atan erawh chuan ruahmanna fel tak siama hma lak a tul ngei dawn ni a hriat a ni. Hma lakna tur ruahman na siam zui in Rail Station chu tha tak a hungna siam nise, hma lo la turin Deputy Chief Engineer Construction pawh a hma lama bia a, sawipui tum a ni.

Hei bakah hian Station Superintendent NJ Poul Chaudhary hriatpui nain Waiting Set hmun rem chang laiah ILP check leh issue na hmun tur enfel a hma lak nghal tum ani.

Rail Station panna kawnga Transport Department building pawh District Transport Officer Kolasib hova en nghal in ILP check post a hman theih tur a hma lak tum a ni.

D.C hi Pu C. Lalzahngova SP Kolasib, Pu R. Lalnunmawia DTO leh Pu H, Vanlalnghaka President MJA Kolasib ten an tawiawm a ni.