Vawiin khan Govt Champhai College chuan Fresher Social leh Graduation day an hmang a, he hun hi Pu Vanlalngaihsaka IAS, Champhai District Bawrhsap chuan khuallian niin a hmanpui.

Khuallian Pu Vanlalngaihsaka IAS, Champhai Bawrhsap chuan thusawiin India ramnzau takah hian hnam tlemte, Mizoten rorel theihna kawng kan neih chhun All India Service leh Central Service bakah Civil Service lam luhchilh tam tura zirlaite chahin Central lama hnasang tak tak thawk kan tam chuan hnam tlem te nichung siin India hi kan rorelna hnuaiah a awm thei dawn a ni, a ti a. Zirlai kalkhawmte chu an zirlai bakah hriatna tizau thei lehkhabu chhiar taima tur leh Social Media hmang tangkai turin a chah bawk.

Khuallian chuan Tunlaiah miin hna avang tawh tiin sawi thin mahse Zirlai ti tha peih leh mithiam tan chuan kawng a awm reng a, hmalam beiseina eng a awm reng a a ni, a ti bawk.

Khuallian chuan Kum 2015-2016 session-a Annual Magazine a tlangzarh nghal bawk a, College Annual Magazine chu zirlai ziak mite tana inphochhuahna hun rem chang leh zirlaite tan hmasawnna kawng pawimawh tak a ni a ti bawk.

Fresher Social cum Graduation day hi Lalmuansanga Hnamte, Financial Secretary, Govt Champhai College SU in a kaihhruai a. GCC Principal Pu Lalnunmawia chuan inlawmna thuchah a sawi a, Senior student atangin Roluahpuia Fanai leh Zirlai lut thar atangin Lalnghinglova hnen atangin thusawi ngaihthlak a ni bawk.

Govt Champhai College atang hian zirlai 102 exam zingah 65 pass in, pass percentage hi 63.73% a ni a. First division-ah mi 27; second division-ah mi 40 an pass a ni.

Kuminah hian admission ti thar zirlai 297 awmin zirlai zawng zawngh hi 621 an awm mek a, kumin atang hian Commerce Department chu hawn thar ani bawk.