4642/2023-2024 

India Meteorological Department, Ministry of Earth Sciences in khawchin a thlirlawkna ah chuan tunkar chho hian Mizoram hmun thenkhatah thli leh ruah thawh theihna hmun awmin a tarlang a, Aizawl District chhunga Local/ Village Level Disaster Committee te mahni veng/ khua theuh ah a tul anga hma la turin leh a hnuaia inkaihhruainna tarlante hi lo puangzar turin kan inngenin kan inhriattir e.

Thli leh ruah thawh hmaa tihtur leh tihloh tur te:

1. Mahni in leh lo, office building leh hnathawhna hmun te’n thli leh ruah a dawl theih nan a tul anga thawm that ngai lai te thawm that tur a ni.

2. Thing leh mau, thli in a len tluk theih, electric wire-delh mai thei te chu kih/a zar thlak tur a ni. 

3. Thlipui leh ruah vanga current neih loh theih a nih avangin mobile phone leh electrical appliances charge theih te chu charge full sa vek tur a ni. 

4. Tuihawk luankawr te thenfai tur a ni.

5. Lei laih lai neite tan, leimin a thlen loh nan hnathawh zawhah uluk taka khuh hul tur a ni.

6. Tukverh leh kawngkhar nghet taka khar tur a ni. 

Thli leh ruah thawh laia tihtur leh tihloh tur te:

1. Electrical appliances OFF vek tur ani. 

2. Lirthei motor reng reng garage ah him taka 'park' tur a ni. 

3. Mahni in leh lo chhuahsan tur a ni lo a; inchhungah tawm him tur a ni a, chi ai tur a ni lo. 

4. Tuihawk luankawr bul hnaiah kal loh tur a ni. 

5. Thli leh ruah thawh laiin lui ah leh lui hnaih ah tumah kal loh tur a ni

Khuarel chhiatna a lo thlen in District Emergency Operational Centre Toll Free Number: 1077 ah engtik lai pawha biak pawh theih a ni a, engemaw vanga line tlang theilo a nih pawhin mahni bial tu Zonal Officer te hnenah chhiatna thlen thu hriattir theih a ni e.