Central Sorkar Media Unit hrang hrang leh State Sorkar Department thenkhatte intelkhawmna, Inter-MediaPublicity Co-ordination Committee (IMPCC) chu vawiin khan PIB Media Centre-ah an thukhawm.

Meeting-ah hian Department hrang hrang - All India Radio,Doordarshan, Khadi & Village Industries Commission (KVIC), MizoramKhadi & Village Industries Board (MKVIB), Directorate of FieldPublicity, Press Information Bureau, Social Welfare, AH & Vety,Health, Soil & Water Conservation leh Industries Department te an tel a, April thla IMPCC thupui "Hriselna ngaih pawimawh hmasak" tih hmanga Department hrang hrangte hmalak dan sawiho a ni a, Vawiin meeting-ah hian KVIC leh MKVIB-in Prime Minister's Employment GenerationProgramme (PMEGP) hnuaiah kumin March ni 31 thleng khan mi 328 hnenah loan, an target cheng 7.5. crore atangin cheng 5.5 crore an pe chhuahthu tarlan a ni a, MKVIB pawhin tunlai hian Zemabawka an training Centre-ah mi 40 hnenah training an pek mek thu tarlan a ni bawk.

He hun hi Press Secretary to the Chief Minister, Pu LR Sailo pawhin a telpui a, Pu LR Sailo chuan thuthar thehdarhtute chu mipui tana thil hriat tur inhrilhdarhna hmanrua an nih thu a sawi a, sorkar Department hrang hrangte chu media te hmang tangkai a, mipuite hriat tur hrilhhriatna hmanruaa hmang turin a fuih bawk.

Pu Sumay Mukherjee, Branch Manager, Film Division, Kolkata pawhin April ni 25 - 27 chhunga I & PR Auditorium, Aizawl-a Mumbai International Film Festival neih mek chungchang sawiin, Film siam kawnga awareness nei tura lo kal a nih thu a sawi bawk.

Vawiina meeting hi an Chairman, PIB leh Doordarshan News hotu ni bawk, Pu Mangjangam Touthang-in a kaihruai a, May thla IMPCC thupui atan "Tihmakmawh kut hnathawh (Work is duty)" tih an thlang a, IMPCC hi thla thar May ni 30, chawhnu dar 1-ah PIB Media Centre ah an thukhawm leh ang.