Vawiin December 28, 2011 hian IMPCC Meeting pawimawh tak chu Pu C. Lalrosanga, Director, DDK leh DDG NE, Guwahati hovin DDK Aizawl, Durtlang-ah neih a ni a. Member 12 vel an tel. December thla chhunga thupui ‘Communal Harmony’ chungchanga hmalakna te, sorkar media hrang hrang, DDK, AIR, PIB, Field Publicity leh Mizoram Information Department hnathawh tlangpui an thlir hova. Hnam inpumkhatna hmanga media hrang hrangte hnathawh lawmawm an ti hle.

January 2012 thupui atan ‘kangmei laka fimkhur tulzia -Fire Prevention’ nise an ti. Mizoramah kumtin thal laia ram a kan nasat thin avangin ram tikang lo turin mitin ngen an ni a. A bikin thingtlang lamah fimkhur a tul a; Aizawl leh khawpui daiah pawh ram tikang lo tura nasa taka tanlak a tulzia inzirtir uar tul an ti a. Chanchinbu lam te pawhin mipui fimkhur tura fuihna leh zirtirna a tam thei anga ziah nise a lawmawm hle ang.

January 31, 2012 ah IMPCC Meeting neih leh tum a ni.