Central leh State Sorkar Department Media Unit hrang hrangte intelkhawmna, Inter-Media Publicity Co-Ordination Committee (IMPCC) chu vawiin khan PIB Media Centre ah an thukhawm.

Vawiin meeting-ah hian Department hrang hrang – Doordarshan, All India Radio, Agriculture, Social Welfare, Nehru Yuva Kendra Sangathan (NYKS), Press Information Bureau, Mizoram Khadi & Village Industries Board (KVIB), Forest, Directorate of Field Publicity leh Health Department te an tel a, November thla IMPCC thupui “Naupangte nun kawng dik kawhhmuh” tih chungchanga mipuite hnena inzirtirna Department hrang hrangten an neih dan thlirlet a ni a, November ni 6 atanga ni 8 chhunga Kolasib District khaw 3 – Thingdawl, Hortoki leh Kawnpui-a Public Information Campaign on Bharat Nirman / Flagship Programme hlawhtling taka neih zawh tak pawh thlirlet a ni bawk.

Vawiin meeting hi an Chairman, Doordarshan News leh PIB hotu ni bawk, Pu Mangjangam Touthang-in a kaihruai a, December thla thupui atan “Vanduai zawkte ngaih pawimawh” (Sensibility on the under privileged” tih an thlang a, IMPCC hi December ni 14 chawhnu dar 1 ah PIB Media Centre ah an thukhawm leh dawn a ni.