Central leh State Sorkar Department hrang hrangte intelkhawmna, Inter-Media Publicity Co-Ordination Committee (IMPCC) chu vawiin khan PIB Media Centre ah an thukhawm.

Vawiin meeting-ah hian Department hrang hrang - All India Radio (AIR), Doordarshan, Press Information Bureau (PIB), Directorate of Field Publicity, Directorate of Advertising & Visual Publicity, Agriculture, Soil & Water Conservation, Mizoram Khadi & Village Industries Board leh Social Welfare Department te an tel a, December thla IMPCC thupui "Vanduai zawkte ngaih pawimawh" tih hmanga Department hrang hrangte hmalak dan thlirlet a ni a, Mizo mipuite hnena tuihna humhalh leh ruahtui dahkhawl a pawimawhzia inzirtir a tulzia pawh an sawiho bawk.

Vawiin meeting hi an Chairman, PIB leh Doordarshan News hotu ni bawk, Pu Mangjangam Touthang-in a kaihruai a, kum thar January thla IMPCC thupui atan "Kum thar thalaite tan (Better opportunity for the youth)" tih an thlang a, IMPCC hi kum thar January ni 31 (Ningani) tlai dar 1-ah PIB Media Centre-ah an thukhawm leh dawn a ni.