Vawiin Nov.27, 2009 chawhnu dar 1 atangin IMPCC Meeting pawimawh tak an thukhawm a. Tun November thla thupui atana Communal Harmony & National Integration an thlan chu a fuhzia leh harsatna namen lo Bru (Tuikuk) te avanga lo thleng chungchang an thlir ho. November thla chhung hian Communal Harmony chungcahng Doordarshan leh AIR-ah te vawi tam tak puanchhuah a nih thu tar lan a ni a; Newspaper lamah pawh tarlan tam a nih thu an sawi a.
Communal Harmony tichhe thei zawnga Media chi hrang hrangte fimkhur tulzia pawh uar takin an sawi. Private Cable Tv te pawh hemi kawngah nasa taka an fimkhur a tul hle a ni tih an sawi. Hmeichhe mualphona tur zawng te, hnam leh hnam inngeih lohna thu thenkhat Chanchinbu thenkhata chhuak te, Fakselna lama lo lang thenkhat te hi Edit ngei ngaia an hriat thu an sawi bawk. Freedom of the Press changchawia thu dengkhawng tak tak chhuah lo turin chanchinbu mite pawh fimkhur se an duh thu an sawi bawk a ni.
Decermber thla thupui atan Communal Harmony leh Polution Control thu an thlang a. Krismas vuakveta halpuah hal lo tura sorkarin thupek a siam chu zawm theuh turin mitin an ngen a; boruak thianghlim tichhe zawnga hmalakna hi mihringte leh rannung chitin tak chhiatna thlentu a nih avangin thuawih zir a ngai hle a ni tih an sawi.
Tunah mi 80000 zet thisen test-ah HIV positive 3905 an awm tawh a; mi thiamte sawi dan chuan hetiang a nih chuan Mizoramah hemi let 10 zet hi HIV Positive an awm tawh a hlauhawm thu an sawi. Krismas vuakvetah mipat hmeichhiatna hluar thin veng turin nula leh tlangvalte thianghlim taka nun hmang theuh turin an duh thu an sawi uar hle bawk a ni. Mipat hmeichhiatna kawngah KS te kawmtu tam ber chu Pa, nupui pawmlai nei an ni tih hriat a nih avangin Mizote kan fimkhur a ngai hle tawh a ni tih an sawi bawk. Department hrang hrangten an thisen thianghlim leh thianghlim loh Test tur pawha hmahruai ngam se an duh thu MSACS lam hotuten an sawi bawk a ni. Health Department hian December chhung hian Mizoram chhim lamah nasa taka hmalak an tum mek a, krismas leh kumthara halpuah hal lo tur leh sa thianghlim chauh kan ei theih nan tan an la mek reng a ni.
December 18, 2009 hian MSACS Conference Hall-ah IMPCC Meeting hi neih tum a ni.
