November ni 24 leh 25, 2009 khan A.H. & Vety Department hma lakna in Champhai khawchhung a vawkpui vulh tute leh vawk vulh a tui mi za leh sawmhnih (120) te hnenah ni hnih (2) chung training pek a ni. He training hi Champhai a vawikhat neihna anih avangin vawk vulhtu ten an hlutin an tuipui hle a. Sawrkar hma lakna NLUP ah pawh hian a hlawhtlinna tur chuan training neih a pawimawh hle dawnin an hria. Vawkvulh tute chuan NLUP hi hmu thei an nih chuan a hlawhtling ber nih an in beisei a ni.

Champhai khawchhung a vawk vulhtu te bak ah hian Champhai District huam chhung a vawkvulh society member mi zahnih (200) zet zing ah pawh training pek a ni a. He training na ah hian vawkpui hlawk zawk a vulh dan te leh vawk talh tur tam zawk thar chhuah dan leh hlawk zawk a vulh dan leh vawk kah rai that zia te inzirtir a ni a. Society member kal te chuan hlawk tlang hle in an inhria. Society member ten theih ang tawk a tan an lak chuan ram dang atanga vawk la lut lo thei tur a hmasawn pawh an cho hle. Amaherawh chu vawk vulhtute hlawhtlin tak tak na tur a thil pawimawh ber vawk chaw hi kan sawrkar chak tak hian subsidy a lei tur min buatsaih sak thei se an duh thu an sawi. Kan ram dinhmun siam tha tur hian vawk vulh tu te hian tan kan lak chhoh zel chuan dinhmun pawimawh tak kan luah ngei theih an beisei.

He training hi ni hnih chhung zet nileng in an nei chung pawh hian an kham lo tlang in hlawk an in ti tlang hle. He training ah hian Resource Person atan Dr.K.V.L. Rochharzela, Vety Surgeon i/c Pig A.I. Mizoram hman a ni.