Vawiin hian National Medicos Organisation (Maharastra), Samaritan Society of Mizoram, 2nd Bat. BSF, 10th Assam Rifle leh Joint DC tangkawp buatsaihin Siamliana Hall,Mamit ah a thlawna inentirna (Free Health Clinic) buatsaih a ni a. He hunah hian Dr. Yadav (Shillong) Dr. Mary 10th Assam Rifle, Dr. Freedy, Kawrthah leh Dr. Hrangkaptawna, Mamit ten damlo a thlawnin an en a ni. Khawpui chhung leh pawn atanga lo kal mi 600 vel an inentir a ni. Damdawi Rs. 50,000/- chuang man a thlawnin sem a ni bawk. He hun hi mipuiten an hlutin lawmawm an ti hle.
Tin, National Medicos Org. leh Samaritan Society of Mizoram tang dun bawkin ni 25.11.2009 (Nilaini) khan Marpara-ah a thlawna inentirna hi buatsaih a ni bawka, damlo mi 470 chuang an inentirin damdawi sem a ni bawk.
