Champhai Govt. Gandhi Memorial Higher Secondary School (GMHSS) kum 60 tlin lawmna, diamond jubilee celebration vawiina school campus a neihah Chief Minister Pu Lal Thanhawla chuan khuallian niin a hmanpui. Lawmna inkhawm neih hma hian Chief Minister hian school in kum 60 a tlin chhinchhiahna leh lawmna lungphun monument chu a hawng hmasa a ni.
Chief Minister chuan Govt Gandhi Memorial Higher Secondary School chu Mizorama High Schol awm hmasa ber pathumte zinga pawimawh ber leh kan hnam leh ram tana thawh tha ber a ni a ti a. Headmaster lo ni tawhte chu zirtirtu hna entawn tlak tha tak tak an lo thawk thin chu ropui a tih thu a sawi a. Hengte avang hian he school hian mi hlawhtling tak tak IAS te, India ram aiawha palai hna, ambassador thawka IFS a lut te, Doctor thiam tak tak leh mi puitling tam tak a lo chherchhuah tawh thu te a sawilang a. Zirtirtu te chu zirlaite leh midangte entawn tlaka awma, mahni inthunun kawngah nun uluka, mahni hna a inpe tur leh zuk leh hmuam insum turin a chah nawn a. Tunlai zirtirtute zingah eng kawng maha entawn tlak loh, thawk tha peih bawk lo leh an hna chu hlawh lak nan chauh hmang an tam zia sawiin, a siam that hna hi sorkar leh kohhran kuta dah mai lovin, Mizo zawng zawngte hna a ni a ti.
Lehkhathiam hna hmulo chungchang a sawina ah Pu Lal Thanhawla chuan lehkhathiam (educated) inti, mahse chhawr tlak si loh, competitive exam puitlin thei bawk silo, hnazahawm - kuthnathawh hmusit tlat tawh bawk si, mi khaihlak an tam hle a ni a ti a. Heng mite hi khaichhuah an ngai a, chuvangin zirna siam tha tura din, Education Reforms Commission pawh kawng dap sak se tiin, an terms of reference ah kan telh nghe nghe a ni a ti. Chief Minister chuan thalaite tan sorkarin hma chi hrang hrang a lak mek thu sawiin, National Institiute of Fashion Technology Mizorama din turin mithiam rual an lokal tur thu a sawi a. NCC tan Air Wing hawn thuai anih tur thu leh hnathawktu tur pawh tihfel tawh anih thu a sawi a ni.
Chief Minster hian Zotlanga District Institute of Education & Trainng (DIET) tlawhin, Education department hi kihhnawk tamna ber anih thu sawin, thla tin cheng nuai tam tak sen chuan ziah a ni a ti a. DIET hnathawkte chu Zirtirtute zitirna petu an nih avangin an pawimawh hle a, training an pek zirtirtute chu hrilh harh tu ni turin a chah bawk a ni.
GMHSS lawmna inkhawma khualzahawm, bialtu MLA Pu J.H.Rothuama, Minister for Revenue etc. pawhin thu sawiin kum 1957 ah he schoola pawl 7 zirlai a nih thu leh hna thawk chung renga kal anih thu a sawi a. Mizoram sorkarin zirlai tha zawk leh thiam zawk chherchhuah anih theih nan zirna in changtlung zawk siam tum a ni a ti a. A department enkawl Revenue chu state dangte tihdan zirchung zelin siam that tum anih thu a sawi a, a ruangam pawh duan mek a ni a ti.
Govt Gandhi Memorial Hgher Secondary School hi Mizoramah High School 3 -na niin kum 1949 khan din tanin kum 1950 atang khan an Headmaster hmasa ber Pu Saizahawla hovin zirna bul tan a ni a. Kum 60 a tlin lawmna hi ni khat chhung leka lawmna neih duh tawk mai lovin kum tir lam atang khan activities hrang hrang, Champhai khawpui chhung tihfai hna te, thisen pek leh quiz te buatsaih alo ni tawh a ni. Tunah hian Higher Secondary level ah hian zirlai naupang 530 an awm mek a, zirna Arts, Commerce, Science stream te leh Vocational stream pawh awmin, hetah hian computer technique, fashion designing, horticulture leh office secretaryship trade te a awm a ni. Lecturer 32 an awm bawk. High School ah hian zirlai naupang 257 an awm mek bawk a, zirtirtu 12 leh office staff 7 an bawk a ni.
He lawmna inkhawmah hian Headmaster lo ni tawh te leh sawm bikte an kal tha hle a ni. Tlaiah lawmna ruai buatsaih a ni bawk.
Lehkhathiam hna hmulo chungchang a sawina ah Pu Lal Thanhawla chuan lehkhathiam (educated) inti, mahse chhawr tlak si loh, competitive exam puitlin thei bawk silo, hnazahawm - kuthnathawh hmusit tlat tawh bawk si, mi khaihlak an tam hle a ni a ti a. Heng mite hi khaichhuah an ngai a, chuvangin zirna siam tha tura din, Education Reforms Commission pawh kawng dap sak se tiin, an terms of reference ah kan telh nghe nghe a ni a ti. Chief Minister chuan thalaite tan sorkarin hma chi hrang hrang a lak mek thu sawiin, National Institiute of Fashion Technology Mizorama din turin mithiam rual an lokal tur thu a sawi a. NCC tan Air Wing hawn thuai anih tur thu leh hnathawktu tur pawh tihfel tawh anih thu a sawi a ni.
Chief Minster hian Zotlanga District Institute of Education & Trainng (DIET) tlawhin, Education department hi kihhnawk tamna ber anih thu sawin, thla tin cheng nuai tam tak sen chuan ziah a ni a ti a. DIET hnathawkte chu Zirtirtute zitirna petu an nih avangin an pawimawh hle a, training an pek zirtirtute chu hrilh harh tu ni turin a chah bawk a ni.
GMHSS lawmna inkhawma khualzahawm, bialtu MLA Pu J.H.Rothuama, Minister for Revenue etc. pawhin thu sawiin kum 1957 ah he schoola pawl 7 zirlai a nih thu leh hna thawk chung renga kal anih thu a sawi a. Mizoram sorkarin zirlai tha zawk leh thiam zawk chherchhuah anih theih nan zirna in changtlung zawk siam tum a ni a ti a. A department enkawl Revenue chu state dangte tihdan zirchung zelin siam that tum anih thu a sawi a, a ruangam pawh duan mek a ni a ti.
Govt Gandhi Memorial Hgher Secondary School hi Mizoramah High School 3 -na niin kum 1949 khan din tanin kum 1950 atang khan an Headmaster hmasa ber Pu Saizahawla hovin zirna bul tan a ni a. Kum 60 a tlin lawmna hi ni khat chhung leka lawmna neih duh tawk mai lovin kum tir lam atang khan activities hrang hrang, Champhai khawpui chhung tihfai hna te, thisen pek leh quiz te buatsaih alo ni tawh a ni. Tunah hian Higher Secondary level ah hian zirlai naupang 530 an awm mek a, zirna Arts, Commerce, Science stream te leh Vocational stream pawh awmin, hetah hian computer technique, fashion designing, horticulture leh office secretaryship trade te a awm a ni. Lecturer 32 an awm bawk. High School ah hian zirlai naupang 257 an awm mek bawk a, zirtirtu 12 leh office staff 7 an bawk a ni.
He lawmna inkhawmah hian Headmaster lo ni tawh te leh sawm bikte an kal tha hle a ni. Tlaiah lawmna ruai buatsaih a ni bawk.
Attachment
- Loading attachment...
