Vawiin khan Mizoram Supply Executive Association General Conference vawi 8 na chu Chaltlang Tourist Lodge-ah neih a ni a. FCS&CA Minister Pu H. Rohlunan a hmanpui.

Thu sawiin Minister chuan he department hian mi fairel bel a khawih avangin department dang zawng aiin an pawimawh bik a ni a ti a. Hei vang hian kawng engkimah sorkar hnathawk dangte aiin fimkhur leh thahnem ngaih a ngai a ni a ti. FCS department a thawktute chu an indaih tawk lo tih pawh sorkar in hre mahse heti chung pawh hian office hun piah lamah pawh thahnem ngai taka thawk turin a sawm a. Thil dik lo tih avanga action lak an awm palh anih pawhin insawipui loh nise insawipui tur pawhin tumah rawih ni lo se a ti bawk. Sorkar hnathawk hlawh bak beisei nei thinte chu mi dik lo an ni ang Minister chuan a ti.

Conference hi FCS&CA Secretary Pu K. Riachho pawhin a hmanpui a. Rorelna neiin thu pawimawh hrang hrang an ngaihtuah a. Rinawm leh dik taka hnathawk turin MESA member-te hian thu an tiam a ni. Naktuk ah chhunzawmin conference kharna hun an hmang ang.