Vawiin February 26, 2010 hian PIB Conference Hall-ah IMPCC Meeting neih a ni. Pu C. LAlrosanga Director, Chairman hovin member te an kal tha hle. He Meeting hian tun kar chhung February 23-25, 2010-a Champhai District khaw pawimawh tak tak- Khawzawl, Khawhai, leh Biate-a Public Information Campaign hlawhtling taka neih thlirletin, he huna VIP hrang hrangten an telpui theih avangin lawmawm an ti hle a. Champhai BAwrhsapin Mizotawng ngat thu a sawi tluanchhuak parh mai te chu fakawm an tih thu te, Champhai DIPRO, Pi K.Laldingliani te leh mi dang an rawn chet that thu tarlan a ni a; PIC Campaign neihna khuaten an lo dawnsawn thatzia an hmuhin hlawk an ti hle a, Sorkar Laipuiin thingtlang mite leh mitin tan hamthatna tur a ruahmante chu lawmawm an tih thu mipui te hnen atangin an dawng a, lawmawm an tih thu an sawi.
Agriculture leh AH&Vety Department te, Health Department ten mipuite hamthatna tura an hmalak mek dante ngaihthlak a ni a; Mizopram mipuite thatna tura Department hrang hrangten lungrual taka kan inrawntlan hian a hlawk zel dawn a ni tih hriain an phur tlang hle a ni.
Mizoram Sorkarin Lo hal hun atana February thla chhung ngeia hal tura an tih chu sawiselna a tam thu leh, lo neih dan phungah kangvar kang ala buh tuh thin chu April thlaa buh tuh a nih avangin fuh tawk lo nia an ngaih thu member ten an sawi a; Mizo lo neih danah February thla hi vahchap pho ro hun a ni a. March thla laihawlah Chapchar Kut hman thin a ni a, Buh tuh hun hi April a ni a, April thla chanve hnu lama to hawin buh a tito thin a, fimkhur taka kalpui a tul thu an sawiho.
Nipui intan lai a nih avangin mitin kangmei tichhuak lo tura inzirtirna Tv leh Radio-ah te, Chanchinbu lamah te uar a tul avangin Mar thla thupui atan Kangmei laka fimkhur tih chu an thlang leh ta a ni./
IMPCC Meeting chu Environment & Forest Conference Hall-ah neih tura rel a ni.
Tlaiah PIC Campaign hah te pualin zanriah buatsaih nghal a ni.
