Vawiin khan Nehru Yuva Kendra Sangathan, Mizoram Zone buatsaih National Integration Camp a awmten Governor Lt.Gen(Rtd) M.M.Lakhera, PVSM, AVSM, VSM chu a chenna ah an kawm. National Integration Camp February 24 atanga March 3 chhung Youth Hostel, Luangmual a neih ah hian Manipur, Rajasthan, Tripura, Assam leh Mizoram atangin thalai 150 an tel a ni.
 
 
   
Governor chuan India ram hi ram zau tak, chitin hnamtin awmkhawmna hmun a ni a, hnam ziarang leh nunphung inpersan tak tak hian min thendarh thin mahse heihi kan inpumkhatna bulpui ber ah hmang thiam hlauh ang u a ti. Naupangte chu camp a an awm chhunga thil tha an zir leh hriat te an haw hunah mi dangte hrilh chhawng turin a chah a. India hmarchhak ah ram ruak kan la ngah a, hnathawh tur a tam a, sorkar hna chauh zawng lovin mahni in bul kan tan thei a ni, hmanrua kan neih ang ang hmangin thawk chhuak theuh turin Governor chuan a chah bawk a ni.
    
NYK hian November 2009 khan NIC hi Youth Hostel , Luangmual ah an nei tawh a, Camp a tel tur hian National Hqrs, New Delhi pawmpuina in Zonal Office ten an thlang thin a ni. Nehru Yuva Kendra Sangathan  hi Ministry of Youth affairs& Sports, Govt. of India hnuaia Autonomous Body a ni. Ramchhung District 500 ah Office neiin Govt. Registered Youth Clubs 2,50,000 atangin thalai nuai 80 chuangin khawtlang hmasawnna hna an thawk thin a ni.

Attachment

  • Loading attachment...