Cheraw hmanga Mizoramin Guiness Book of World Records siam tura inbuatsaihna chuan a vawrtawp a hnaih ta a. Art & Culture department chuan heta tel tur pawl hrang hrang, school leh club te chu vawiin khan Vanapa Hall-ah kovin hriat tur pawimawhte inhrilhfiahna a neihpui.
Art & Culture Director Pi Boichhingpuii chuan Guiness Book of World Records chu khawvel lehkhabu chhiar hlawh leh lar ber 5 zing ami a ni tiin he lehkhabua record siam turin kum tin dilna 65000 chuang a lut ziah tih a sawi a. A duh duh tana tel ngawt theih a nih loh dan sawiin khawchhak lam ram pasarih vel laiin Cheraw ang chi lam an lo neih ve avang chauhva Mizoram chu record siam tura beih phalsak a ni tih a sawi a. Heng ram hrang hrangte hian a neitu nih an inchuh nasa hle tih sawiin Pi Boichhingpuii chuan Mizo ten mahni hnam lam anga kan humhalh theih nan pawh Guiness Book World Record siam hmasa tu lo nih hi a pawimawhin a tangkai hle dawn a ni, a ti a. Bamboo Dance tia koh chu a saptawnga khaikhawmna tawngkam a nih thu leh eng ram mahin Bamboo Dance tia an vuah bik loh thu a tarlang tel bawk.
World Record siam tur hian pawl 315 atanga cheraw kan tura hming pe lut zawng zawng chu bu 682 daih an awm tawh a. Bu khat zelah mi 16 awmin chungte chuan March 12 chawhnu dar 2 chiahah A.R Sipai Lammual leh Chanmari atanga Sikulpuikawn inkar kawngpui dung tluanah a rualin Cheraw an kan dawn a. Block khat zelah cheraw bu 25 dahin music pakhat ruala an kan theih nan A.R. Lammual chhungah sound system tha tawk tak, 94400 Watt leh LMT Horn Watt40 zel Chanmari lamah 29, Sikulpuikawn lamah 19 vuah phei vek a ni dawn a ni.
Cheraw kan dan turah hian Guiness Book-in a phut angin minute 5 aia tawi lo, tum khata a ruala step inang vek hman leh hnam incheinaa inchei tur a ni a. Lam turte chu kum 12 chung lam chauh an ni tur a ni. Guiness Book hi World Record siam chungchangah a duhtui em avangin a dan siam engemaw ber zawm kim loh vanga disqualified theih mai a ni a. Mizoram-in world record siam tura nasa taka a beih mek laiin thil hote vanga disqualified a nih loh nan a tel tur zawng zawngte chu fimkhur turin Art & Culture hotute chuan an ngen a ni.
Cheraw kan rawn endik tur hian Guiness Book chuan a mi rawn tirh tur pawh a tichiang tawh a. Ani hian a endik zawhin March 12 tlai dar 4 ah result puan a ni ang.
World Record siam tur hian pawl 315 atanga cheraw kan tura hming pe lut zawng zawng chu bu 682 daih an awm tawh a. Bu khat zelah mi 16 awmin chungte chuan March 12 chawhnu dar 2 chiahah A.R Sipai Lammual leh Chanmari atanga Sikulpuikawn inkar kawngpui dung tluanah a rualin Cheraw an kan dawn a. Block khat zelah cheraw bu 25 dahin music pakhat ruala an kan theih nan A.R. Lammual chhungah sound system tha tawk tak, 94400 Watt leh LMT Horn Watt40 zel Chanmari lamah 29, Sikulpuikawn lamah 19 vuah phei vek a ni dawn a ni.
Cheraw kan dan turah hian Guiness Book-in a phut angin minute 5 aia tawi lo, tum khata a ruala step inang vek hman leh hnam incheinaa inchei tur a ni a. Lam turte chu kum 12 chung lam chauh an ni tur a ni. Guiness Book hi World Record siam chungchangah a duhtui em avangin a dan siam engemaw ber zawm kim loh vanga disqualified theih mai a ni a. Mizoram-in world record siam tura nasa taka a beih mek laiin thil hote vanga disqualified a nih loh nan a tel tur zawng zawngte chu fimkhur turin Art & Culture hotute chuan an ngen a ni.
Cheraw kan rawn endik tur hian Guiness Book chuan a mi rawn tirh tur pawh a tichiang tawh a. Ani hian a endik zawhin March 12 tlai dar 4 ah result puan a ni ang.
