Vawiin September 25, 2009 hian IMPCC Meeting pawimawh tak PIB Conference Hall-ah hman a ni a, member an kal tha hle. Pu C. Lalrosanga, Director, Aizawl Doordarshan, IMPCC Chairman-in a kaihruai. Tun thla kal ta chhunga Flagship Programme, India sorkarin thingtlang mite hmasawnna tura a hma lakna hrang hrang AIR, Doordarshan leh Cable Tv te, Chanchinbu mitten an thawh that avangin lawmawm an ti hle. October thla atan pawh beihpui thlak lehna atan tuna thupui bawk- Flagship Programme hi hman leh tum a ni. October 6-9 hian Darlawn, Phullen leh Keifang-Saitual-ah Press Information Campaign hi nei tura inpuahchah mek a ni.
Agriculture Department chuan loneitute tihchangtlunna tura mechanization programme an ruahmanah Tractor 55 leh Power Tiller 348 leh Mini Power Tiller 109 subsidised-a pekchhuah a tum zingah Power Tiller 44 chu September 29, 2009 hian loneitute hnenah Chief Minister Pu Lalthanhawlan a sem chhuak dawn a ni.
Health Department hmalakna hrang hrang zingah nikum lam aiin Malaria vei Mizoramah kan la pun thu hetiangin dawn a ni. Nikum January- July, 2008-a thisen Exam 92285 zingah mi 3929 chu Malaria hrikl pai an ni a, mi 90 an thi a; kumin January – July hian mi 96610 Thisen Test-ah mi 4557 chu Malaria hrik pai an ni a, mi 101 an thi a ni. Hemi avang hian chhungkaw tin leh mimaltinte pawh mahni invent fimkhur uar turin an ngen nghal a ni.
All India Radio chuan October 2, 2009 atangin nitin 11.00 am- 2.00 pm-ah FM programme a tichhuak thar dawn a, zai programme a tam ber phawt ang a, programme tha dang pawh tih belh zel tum a ni bawk e. AIR hi ram hmasawnna leh than zel dan mitinte hnena puan darhna man tlawm leh darhzau ber a ni a, chinchang hriat nan Radio ngaihthlak peih deuh deuh pawh thil tul tak a ni tih mipuiten hriat a tha hle mai.
October IMPCC Meeting chu AIR Conference Hall-a neih a ni dawn a ni.
Health Department hmalakna hrang hrang zingah nikum lam aiin Malaria vei Mizoramah kan la pun thu hetiangin dawn a ni. Nikum January- July, 2008-a thisen Exam 92285 zingah mi 3929 chu Malaria hrikl pai an ni a, mi 90 an thi a; kumin January – July hian mi 96610 Thisen Test-ah mi 4557 chu Malaria hrik pai an ni a, mi 101 an thi a ni. Hemi avang hian chhungkaw tin leh mimaltinte pawh mahni invent fimkhur uar turin an ngen nghal a ni.
All India Radio chuan October 2, 2009 atangin nitin 11.00 am- 2.00 pm-ah FM programme a tichhuak thar dawn a, zai programme a tam ber phawt ang a, programme tha dang pawh tih belh zel tum a ni bawk e. AIR hi ram hmasawnna leh than zel dan mitinte hnena puan darhna man tlawm leh darhzau ber a ni a, chinchang hriat nan Radio ngaihthlak peih deuh deuh pawh thil tul tak a ni tih mipuiten hriat a tha hle mai.
October IMPCC Meeting chu AIR Conference Hall-a neih a ni dawn a ni.
