Hmansawnna ngelnghet nei tura sorkar laipui hmalakna hrang hrang mipuite hnena hrilh hriatna - Bharat Nirman/Flagship Programmes Public Information Campaign (PIC) Mizoram-a a vawi 9 na chu october 6 - 9, 2009 hian neih a ni dawn. Ruahman chhin ang chuan October 6 ah PIC hi Darlawn Community Hall-ah Pu R.L. Pianmawia, Govt. Dy. Chief Whip in a hmanpui anga; ni October 8 ah Pu Chawngtinthanga, Parliamentary in Phullen-ah a hawng thung ang. October 9 ah chuan Keifang/Saitual bial huapin Pu R. Lalzirliana, Home Minister chu hawng tura beisei a ni bawk.