Mizo Writers Association bultuma zirna pawl hrang hrang zinga Mizo subject-a ti tha zualte hnena chawimawina chu vawiin chhun khan Chanmari YMA Hall-a inkhawm buatsaihah Education Minister Pu Lalsawta’n a dawngtute hnenah certificate leh chawimawina tangkafai a hlan.
Inkhawm hi Mizo Writers Association President Pu B. Lalthanglianan a kaihruai a. Minister chuan thusawiin zirna ina Mizo Subject chawisang zawnga hranghlui mi hmasa - Ch. Pasena, Lalmama, R. Buchhawna leh J. Malsawma te hming chawia lawmman buatsaih chu fakawm a ti a. Mizo tawng hi a pawimawh telh telh dawn a. Mizo tawng thiam chuan subject dangah pawh an thiam hle tur nia a ngaih thu sawiin subject dang avanga Mizo tawng hlamchhiah chu thil dik a ni lovang a ti. Tunhnaia MZP ten zirna chungchanga an thahnem ngaih avanga text bu 1 hal ngai ta hial chu pawi a tih thu sawiin Education Department tan chuan mit men fiah tirtu ah tang se a duh thu Minister chuan a sawi a. Zoram Education siamtha tura Reforms Commission hial din chuan rah tha tak a chhuah ngei a beisei thu a sawilang bawk.
Vawiina lawmman dawngtute hi Class X-ah Ch. Pasena Award Zohlupuii, Kawnpui; Class XII-ah Lalmama Prize - Lallawmawma, Thingsulthliah; B.A ah R. Buchhawna Prize dawngtu Lalzarzoa, Lungrang leh M.A. ah J. Malsawma Prize dawngtu Lalhlimpuii, Aizawl Electric Veng te an ni.
Vawiina lawmman dawngtute hi Class X-ah Ch. Pasena Award Zohlupuii, Kawnpui; Class XII-ah Lalmama Prize - Lallawmawma, Thingsulthliah; B.A ah R. Buchhawna Prize dawngtu Lalzarzoa, Lungrang leh M.A. ah J. Malsawma Prize dawngtu Lalhlimpuii, Aizawl Electric Veng te an ni.
