Presbyterian Synod Hospital Durtlang chu National Programme for Control of Blindness hnuaia mit enkawlna hna hrang hrangah a thawh that avangin tanpuina cheng nuai 12.5 pek a ni a. Chief Secretary Pu Vanhela Pachuau-in a office-ah Presbyterian hospital Director Dr. Lalremthanga hnenah vawiin khan cheque hi a hlan a ni.
Hetiang tanpuina hi NGO te hnenah chauh pek a niin Ministry of Health & Famly Welfare chuan naupiang hlim atanga upa lam thleng, khawhmuh fiahlo te leh a venna lama hna thawk thate hnenah a pe thin a. Presbyterian hospital pawh hi hetiang lama an thawh that avangin cheng nuai 25 tanpuina pek a niin installment khatna chu nikum khan an dawng tawh a ni.
Chief Secretary chuan Presbyterian hospital-a Eye Surgeon, Dr.Vanlalruata leh a team te hnathawh leh inpekna chu chhuanawm a tiin thawhhona tha an neih avanga hetiang hi lo awm thei a ni, a ti a. Ram pawna pen chhuak kher lovin mahni hna theuh missionary rilru pu chungin a thawh theih a ni, a ti bawk. Pu Vanhela chuan Presbyterian hospital in hun rei tak atanga a hming thatna a vawnghim reng thei chu fakin Aizawl Civil Hospital pawh hemi kawngah hian chhuanawm a tih thu a tarlang a. Sorkar hospital leh Presbyterian hospital te inkara thawhhona tha avangin Mizoram chuan hming thatna a khum thei a ni, a ti.
State Blindness Control Society, Mizoram hian hna a thawk tha in a bik takin mitnaute paw (cataract) zai leh enkawl lamah phei chuan Ministry of Health & Family Welfare in target a bituk an khum fova. Kum 2008-2009 inkar hian nasa takin target an rawn tihpun sak tak avangin cataract zai tur 3000 bituk ah February thla thleng khan an target hlen tawh zat hi 67.5% a ni.
Chief Secretary chuan Presbyterian hospital-a Eye Surgeon, Dr.Vanlalruata leh a team te hnathawh leh inpekna chu chhuanawm a tiin thawhhona tha an neih avanga hetiang hi lo awm thei a ni, a ti a. Ram pawna pen chhuak kher lovin mahni hna theuh missionary rilru pu chungin a thawh theih a ni, a ti bawk. Pu Vanhela chuan Presbyterian hospital in hun rei tak atanga a hming thatna a vawnghim reng thei chu fakin Aizawl Civil Hospital pawh hemi kawngah hian chhuanawm a tih thu a tarlang a. Sorkar hospital leh Presbyterian hospital te inkara thawhhona tha avangin Mizoram chuan hming thatna a khum thei a ni, a ti.
State Blindness Control Society, Mizoram hian hna a thawk tha in a bik takin mitnaute paw (cataract) zai leh enkawl lamah phei chuan Ministry of Health & Family Welfare in target a bituk an khum fova. Kum 2008-2009 inkar hian nasa takin target an rawn tihpun sak tak avangin cataract zai tur 3000 bituk ah February thla thleng khan an target hlen tawh zat hi 67.5% a ni.
