Sorkar laipuiin hun chawpchilh taka Mizoram sorkar a rawn hriattir angin International Day of Natural Disaster Reduction chu vawiin khan I & PR Auditorium-a inkhawm buatsaihah a vawi 1 na atan ramchhung hmun dangte ruala hman ve a ni a, Disaster Management & Rehabilitation changtu Minister Pu Nihar Kanti Chakma chuan a hmanpui a, he ni pual atan hian DC tin hnenah Silpaulin 500 theuh a pe.
Inkhawm hi DM & R Secretary Pu Nghaklianmawian a kaihruai a. Minister chuan khawvel pum huapin United Nations chuan he hun hi October chawlhkar hnihna ah hman tur a tih angin a Ni bik pawh a ruahman tih a sawi a. Sorkar laipui duh dan anga chawpchilh taka he Ni hmang tura hriattir anih dan sawiin duhthusama mipui mimir hriattir hman nilo mahse kum dangah erawh chuan huamzau zawka hman zel tum a ni ang a ti a. Kumina tana thupui thlan Hospital Safe from Disaster tarlangin Minister chuan rikrum thlen thut palha himna hmunpui ber (Retrofiting Centre) atan Civil Hospital chu thuam tha tura rawtna thlen mek a ni a ti a.
Chhiatna hrang hrangte hi mihringte pumpelh theih loh ni bawk mahse tam takte hi chu fimkhur chuan pumpelh theih an ni a. Chuvangin chhiatna hrang hrang lakah kan him theihna turin mitin englai pawhin kan fimkhur reng a pawimawh a ni, Pu Nihar Kanti Chakma chuan a ti bawk.
Vawiin inkhawmah hian DM & R Director Pu V. Sapchhunga pawhin chhiatrupna thlen thulha chet lak dan turte UNDP leh sorkar laipui te nena Mizoram sorkar-in hma an lak dan te a sawi a. District tin DC te hnenah rikrum thila hmanraw chelek tur hrang hrang thahnem tak pek anih dante a sawilang bawk. District tin aiawh, Police Department leh Fire Service atangte in rilrum thulha an chetlak dan leh an in buatsaihnate ngaihthlak a ni a. Sawihona hun hman zui a ni a. Pu Dominic Lalhmangaiha, Consultant in a kaihruai a ni.
Chhiatna hrang hrangte hi mihringte pumpelh theih loh ni bawk mahse tam takte hi chu fimkhur chuan pumpelh theih an ni a. Chuvangin chhiatna hrang hrang lakah kan him theihna turin mitin englai pawhin kan fimkhur reng a pawimawh a ni, Pu Nihar Kanti Chakma chuan a ti bawk.
Vawiin inkhawmah hian DM & R Director Pu V. Sapchhunga pawhin chhiatrupna thlen thulha chet lak dan turte UNDP leh sorkar laipui te nena Mizoram sorkar-in hma an lak dan te a sawi a. District tin DC te hnenah rikrum thila hmanraw chelek tur hrang hrang thahnem tak pek anih dante a sawilang bawk. District tin aiawh, Police Department leh Fire Service atangte in rilrum thulha an chetlak dan leh an in buatsaihnate ngaihthlak a ni a. Sawihona hun hman zui a ni a. Pu Dominic Lalhmangaiha, Consultant in a kaihruai a ni.
