Central Media leh a kaihhnawih State sorkar Department te inthlunkhawmna, Inter Media Publicity Coordination Committee (IMPCC) chu vawiin khan Pu Pu C. Lalrosanga, Addl. D.G., N.E. hovin All India Radio Conference Hall, Aizawl-ah an thukhawm. Meeting-ah hian March thla atana thupui thlan ‘Vote neite chanvo leh mawhphurhna’ tih chungchangah DDK, Aizawl, leh RNU, AIR hmalakna te ngaihthlak a ni a. MP Election tinzawn a programme hrang hrang AIR leh DDK in an buatsaih leh an tihchhuah te chu he meeting-ah hian sawiho niin April thla atan thla hmasa thupui ‘Vote neite chanvo leh mawhphurhna’ chu hman chhunzawm nise tih an rel bawk.

Pu C. Lalrosanga chuan Election Commission of India (ECI) in recognized political party te tan tun MP Inthlan lo awm tur ah Radio leh TV-ah te an party thuchah sawina hun ECI-in a tuksa tawh chu naktuk ah CEO hovin party aiawhte chuan an hun chan dan tur ‘Draw of Lots’ an pawh tur thu meeting ah hian a sawi. Hei bakah hian Chief Secretary, DGP leh CEO ten inthlan chungchanga thuchah an sawina hun tur buatsaih tum anih bawk thu a sawi bawk.

Vawiin meeting-ah hian, department hrang hrang, PIB, Field Publicity, Directorate of Health Services, Agriculture, Soil & Water Conservation, AH & Vety, I&PR, AIR leh DDK Aizawl aiawh te an tel a ni.