Ni li chhung awh Asha Refresher Training Module 6&7, tunkar ni 17 (Thawhlehni) atanga I&PR Auditorium-a neih chu vawiin khan khar a ni a. State Asha Resource Centre, Aizawl atangin Dr R. Lalchhuanawma, SNO leh staff ten a kahrna hun hi an hmanpui a ni.

He training-ah hian Nu leh naute hriselna leh vantlang hrilselna chungchang inzirtirna neih a ni a. Dr. R Lalchhuanawma chuan thusawiin, training-a lokal te chu mahni khuaah theuh damlote tana eng hun leh hmun pawh thawk thin turin a chah a. Mi ina lenluh chang pawha damlo anlo awm anih pawhin training chhuak tawhte chu chiai ve lova, an tihtur tak damlo enkawl chu hna vat thin turin a chah a. Mi kan va tanpui hian tuman hrehawm kan ti ngai lova, kan hlim phah zawk thin a ni, tiin SNO chuan an thiamnate midang tanpui nana hmang turin training tura kalkhawmte chu a chah bawk.

ASHA Refresher Training hian a tum ber chu Infant Mortality Rate (naute kum 1 hnuailam thi) tihtlem leh Maternal Mortality Rate (Nu nauchunga thi) titlem turin leh, damdawiina nu naupaiin him taka nau an neih theih nana hmalak dan tur inzirtirna a ni a. Ni li chhung awh training neih hi Pi C. Lalramengi, District Programme Manager chuan kaihruaiin Pi Lalmuanpuii, State Trainer-in zirtirna a pe thin a. Champhai District khaw hrang hrang atangin ASHA 40 ten training hi an nei thei a ni.