No.252/2020-2021
Dr. Lalzirmawia Chhangte, IAS, Serchhip District Magistrate chuan in sak chungchanga hriattirna hetiang hian a tichhuak.
COVID-19 laka mipuite kan him theihna atana sawrkar thupeka lockdown kalpui mek hi uluk lehzuala kenkawh a tul a, engtikawng mahin inthlahdah theih a ni lo. Hemi hun chhung hian mipuite pawn chhuak lova mahni ina inkhung tur tih chuan zawm a hlawh hle a. Amaherawh chu, hmun hrang hrangah in sak hna thawk mek kan la awm tih hriat a ni a. Hei hian sawrkar thupek a kalh a ni.
Chuvangin District Level Task Force on Covid-19 ni 6.4.2020 a thukhawmin a lo rel tawh angin chhiatrupna (disaster) thlen palh hlauhthawnawm thei nia ngaihte a hmuna endikna report behchhana District Disaster Management Authority (DDMA) in in sak chhunzawm phalna ziaka a pek te chauh lo chuan in sak hnathawh chhunzawm phal a ni lo a, DDMA phalna ziaka la loa hnathawktute chuan he thupek chhuah ni atang hian an tawp san nghal tur a ni. Hei hi hripui laka kan him tlanna tur a nih avangin zawm vek turin kan inhriattir a ni.
