2034/2024-2025

12th September, 2024 : Anti Corruption Bureau (ACB) buatsaih 'In-service Training on New Criminal Laws-BNS, BNSS & BSA' chu vawiin khan Secretary, Vigilance Department Pi Betsy Zothanpari Sailo chuan kharna hun a hmanpui a. He training hi ACB Conference Hall, MINECO-ah ni hnih chhung neih niin Vigilance Department officer & staff te leh ACB Director Pu Rodingliana Chawngthu hovin ACB officer & staff te an vaiin mi 45 vel an tel a ni.

Training khartu Vigilance Deptt Secretary Pi Betsy Zothanpari chuan tunlai khawvelah 'white collar crime' hluar chhoh zel karah hian Vigilance Department leh ACB te chuan intuai thar fo an mamawh a, hun remchang dangah pawh buatsaih theih zel a ṭhat thu a sawi. Ram leh hnam tan corruption dona kawngah hmahruaitu an nih zel theih nan ṭan la sauh sauh turin a fuih bawk a ni.

Resource Person atan Pi Julie Lalrinzami, MJS, Addl District & Sessions Judge, Aizawl District, Pi Jessica Lallawmzuali, MPS, Dy. SP (Hqrs), Aizawl DEF, Pu C. Lalrinchhunga, Addl PP,  Mizoram Lokayukta, Pu Zoramsanga Sailo, Inspector, OC Bawngkawn Police Station leh Pi Lalsangpuii, Inspector, OC, All Women Police Station, Aizawl te hman an ni.