2033/2024-2025
Aizawl the 12th September, 2024 : Tun thla September ni 27 & 28, 2024 chhungin '21st Annual Conference of Commonwealth Parliamentary Association, India Region Zone-III' Aizawl, Mizorama neih tur chungchangah vawiin khan Mizoram Legislative Assembly Speaker Pu Lalbiakzama hovin Assembly House Committee Room-ah neih a ni a. Vawiin meeting-ah hian Assembly House Secretariat aṭangin Commissioner & Secretary Pi Vanlalthantlingi leh official-te bakah sorkar department hrang hrang aiawh official-te an ṭhukhawm a ni.

Ni hnih awh tur '21st Annual Conference of Commonwealth Parliamentary Association, India Region Zone-III' ah hian Lok Sabha Speaker, Rajya Sabha Deputy Chairman, Union Parliament General Secretary, OSD leh anmahni zuitu official engemawzat lo kal tura beisei an ni a. North East State 7 ṭheuh aṭangin an Speaker, Deputy Speaker, Commissioners/Secretaries leh officials te lo tel thei tura beisei an ni bawk.

CPA India Zone-III Annual Conference hi tluang leh hlawhtling taka neih a nih theih nana ṭul leh mamawh hrangte vawiina meeting-ah khan sawiho leh rel a ni.