Tunlai hian misual ten internet banking leh smart phone hmanga mi bum dan thar hmuchhuakin mipuite kan finkhur a ngai hle a ni.

Tun hnai khan mi pakhat chu misual, BSNL Office-a thawk anga in sawiin phone number 7029829632 leh 7667216738 hmanga biain, a phone post-paid bill pek tawh lut lo anga sawiin heng phone application pathum BSNL Wallet, Add-on:Huawei(b) leh Team Viewer Quick Support te play store atanga download tirin, chumi hnuah internet banking hmangin bill a pek ngei leh ngei loh en nan a account-ah log-in tir a. Hemi hnu hian a phone screen khawih lo turin a hrilh a, a rinhlelh tak avangin a bank account a check ta a, a account atangin Rs.9,50,218/- lai a lo la chhuak hman a ni. Hemi bakah hian a fixed deposit Rs.10,00,000/- chu close sakin account hrang hrangah a lo transfer hman bawk a ni.

Hemi chungchangag hian case ziahluh niin chhui mek a ni a, hetiang inbumna lakah hian fimkhur turin Mizoram Police chuan mipuite an chah a ni.