Kumin Independence Day Lunglei a hman dan tur ngaihtuahin, vawiin khan Lunglei D.C Pu V.Sapchhunga IAS, hovin, D.C Conference Hall ah Meeting neih a ni.

He meeting ah hian kumin Independence Day chu Thuamluaia Mual ah hman nise tiin, zing dar 10:00 ah programme tan nise an ti a, hemi huna khuallian tur hian Mizoram sawrkar a Minister tu emaw ber sawm nise an ti a ni. Hei bakah hian Independence Day pual hian, Lunglei khawpui chhunga Chhawmdawlna In hrang hrang leh District Jail ah tanpuina pek nise an ti bawk a. Independence Day lawmna atan Football, Volley Ball leh Karate ah te tournament siam nise an ti bawk.

Vawiin a Meeting ah hian, sawrkar department hrang hrang te mawhphurhna siam sak niin, mahni mawhphurhna theuh te tha taka hlenchhuak turin ngen nghal an ni a, meeting ah hian department aiawh te bakah tlawmngai pawl hrang hrang awiawh te an tel bawk a ni.