NLUP Phase II ah serthlum variety tha chauh chin a nih theih nan vawiin khan NLUP Implementing Board(NIB)Vice Chairman Pu P.L.Thanga hovin Horticulture department hotuten NIB Conference Hall-ah hma lak dan tur an rel a. Serthlum chin tur variety 4 thlan sa, Khasi Mandarin, Michal, Satsuma leh Honey Orange te chu kuminah la chin zui ni se, variety thalo hralh chhuah leh chin a awm loh nan leh, awlsam taka chhui theih na turin beneficiary te chu serthlum tiak an lakna nursery leh an lei zat te ziak tur leh District Horticulture Officer ten an verified chauh lo chu tanpuina pek loh tur a ni. Hemi chhung hian nursery ten certified variety chauh an pek chhuah theih nan National Research Centre for Citrus (NRCC) Nagpur atangin root-stock lakluh a ni dawn a, NLUP Phase III atang chuan variety 3, Khasi Mandarin, Michal leh Satsuma chauh chin phal a ni tawh dawn a ni.

NLUP Phase I ah hian beneficary 4390 an awm a. Phase II ah beneficiary 4048 vel an awm dawn a. Tanpuina dawn hma in beneficiary thenkhat chuan a ba in hma an lo la lawk tawh nghe nghe a ni.