Vawiin chhun dar 12 khan D.C Conference Hall, Mamit-ah Mamit DC Pu V. Lalremthanga MCS hovin kum 2012 Independence Day hman dan tur chungchang ngaihtuah a ni.
Independence Day 2012 hi ropui takin hman ni se, a lawmna pui ber hi zing dar 10:00 GSA Playground an neih ni se, zing ni chhuah rualin National Flag Sawrkar office tinah zar ni se, hemi bakah hian kohhran hrang hrangah ram hruaitute tan tawngtai sak tura ngen ni se, an ti.
He mi ni atan hian March pass Contingent 19 Armed contingent 2 leh unarmed contingent 17 te tel tur a beisei an ni a.
Independence Day Celebration committee te hian Independence denchhen hian Football leh Valley Ball Tournament Mamit District huam chhung atannbuatsaih ni se an ti bawk.
Vawiin a Meeting ah hian, sawrkar department hrang hrang te mawhphurhna siam sak niin, mahni mawhphurhna theuh te tha taka hlenchhuak turin ngen nghal an ni a, meeting ah hian department aiawh te bakah tlawmngai pawl hrang hrang awiawh te an tel bawk a ni.
