Vawiin chawhma dar 10:00 khan Dr. Franklin Laltinkhuma, IAS, Deputy Commissioner, Aizawl District, office chamber ah kumin 2015, India Independence Day hman dan tur ngaihtuahna neih a ni.

Kumin 2015, India Independence Day August 15, (Inrinni) chu Assam Rifles Lammual, Aizawl ah hman a ni ang. Hemi ni zing dar 9:00 ah Mizoram Chief Minister in India hnam puanzar pawtpharh in Independence Day thuchah a sawi ang. He ni pawimawh tak lawmna ah hian Parade Contingent 24 leh Band Parties 4 ten hnam puanzar chibai bukna an nei dawn a ni.

He ni hmang tur leh Mizoram chhunga a lawmna pui ber Aizawl a neih turah hian sawrkar hnathawk leh mipuite a tam thei ang ber AR Lammual ah zing dar 8:30 ah kal  theuh tura sawm leh hriattir kan ni.

A chunga Programme zawh ah hian sawm bik tan Governor’s At Home ah thingpui inhona neih tum a ni bawk.