Kum dang ang bawkin, Mizoram hmun hrang hrangah Independence Day chu August 15 hian ropui takin hman a ni leh dawn a. Mizoramah chuan he ni puala lawmna inkhawm lian ber chu  Lammualah neih a ni dawn a. He hunah hian Chief Minister Pu Zoramthanga chu Khuallian a ni dawn a ni.

Mizoram sawrkar chuan he hun pawimawh tak hmang tur leh a hmanna hmunah te,  tel theuh turin khua leh tui zawng zawng te a sawm a. A bik takin Sawrkar hnathawkte chu Independence Day lawmna programme-ah tel ngei tura hriattir an ni.

He hun pawimawh tak hmanpui tur hian Minister leh sawrkar hotulu te pawh a hnuaia inziak ang hian an feh chhuak dawn a ni.

1.Dr. R. Lalthangliana, Minister, H&FW,  Hnahthialah, 2.Pu Lalchamliana, Home Minister, Khawzawlah, 3. Pu. R.Lalzirliana, Minister, P&E, Saitualah, 4. Pu C. Lalrinsanga, Minister, Agriculture, Lungleiah, 5. Pu K. Lalrinliana, Minister, FC&CA, Kolasibah, 6. Pu Lalchhandama Ralte, Minister of State, School Education, Serchhipah, 7. Pu Lalruatkima, Minister of State, Rural Development, Mamitah, 8. Dr. K. Beichhua, Minister of State, Social Welfare, Siaha-ah, 9.Pu TJ Lalnuntluanga, Minister of State, Law & Judicial, Champhaiah, leh  10. Pu Robert Romawia Royte, Minister of State, Sports & Youth Service, Lawngtlai-ah.

Pu Rasik Mohan Chakma, CEM, CADC in Chawngte-ah a hmanpui anga, Civil Sub Division dang zawngah te chuan Sub-Divisional Officer te chu Hnam Puanzar pawt pharh tura mawhphurhna pek an ni.