Khua leh tui duhawm tak tak te,

 

India ram tana ni ropui tak, Independence Day champhaphak vawi 75-na alo thlen hian, he ni lawm tura lo kal khawm te leh Lunglei District mipui zawng zawngte duhsakna chibai ka buk a che u. 

Vawiin hi kan ram mipuite tana zalenna leh beiseina chhinchhiahna kengtu kan Hnam Puanzar chibai kan bukna ni lawmawm tak a ni a. Zalenna sual tute, martarte leh hruaitu hmasa mi ropui Mahatma Gandhi, Pandit Jawaharlal Nehru, Netaji Subhash Chandra Bose te leh mizo pasaltha India zalenna sualtu Pu Darthawma (L), Chanmari, Lunglei te inpekna hlu tak vawiin ah hian kan hre reng a. An zavaiin zahna chibai kan buk a. An huaisenna, tumruhna leh thawhrimna zarah vawiinah India ram chu khawvel puma mipui rorelna, Democracy ram lian ber leh ropui berte zing ami a ni ta hial a.  

Zalenna hnuaiah kan ram chuan kawng tinrengin hma a sawn chhova, tunah hian India ram chu khawvel economy lian berte zinga mi a lo ni ta hial bawk a ni. 

Covid-19 hrileng avangin kum hnih chhung zet kan inkharkhipa, Independence Day pawh kan lawm that theihloh hnu in vawiin ni ah helai Thuamluaia Mualah kan MLA-te, zirlai naupang duhawm tak tak te, kohhran leh NGO hruaitute, prominent citizen-te leh ex-servicemen-te, kan chanchinbu mite, sawrkar Department hrang hrang thawktute leh mipui heti zat nen he Ni ropui tak kan lawm ho leh thei hi a lawmawmin Pathian malsawmna ropui tak a ni a.  

Harsatna lian tham tak kan hmachhawn laia Mizo mipuite kan tanrual tlatna leh kan thawmrimna zarah Covid-19 hrileng chuan ziaawm lam a pan chho ve zel a. Amaherawhchu tun dinhmunah he hrileng hi ala bo lo tih hriain mitinte fimkhura Covid Appropriate Behavior te ngai pawimawh chhunzawm zel turin kan in chah bawk a ni.  

He ni ropui takah hian kum kalta chhunga Sawrkar Department ten Lunglei District-a an hmalakna te leh ruahmanna chhawp thenkhat han tarlang ila.

1) HPC LUNGLEI:

i) HPC Lunglei fund cheng nuai 500 kaltlangin Kum 2021-22 chhungin Lunglei District-ah Department 13 hnuaiah hmasawnna hna 38 thawh a ni.

 

ii) Entrepreneurship lama inelna Leitlangpui Rahbi 2021-ah entrepreneur 23-te chu an sumdawnna bultanna tur Start Up Capital pek an ni.

 

2) DEPUTY COMMISSIONER, LUNGLEI:

i) Corporate Social Responsibility (CSR) kaltlanga hmalaknate - ambulance pathum dawn a ni; Anganwadi panga (5) chei that an ni; zirlai 46-te hnenah Intel A26 Smartphone pek an ni; Covid-19 do letna tura hmanraw mamawh hrang hrang cheng nuai 200 chuang man hu hmuh a ni.

 

ii) Go To The People Project hnuaiah Thingtlang khaw kilkhawr zawka cheng te tan an khua ah ngei sawrkar service-te chhawpchhuah sak an ni. 

  1. Aadhaar, Tribal Certificate, Circuit House etc atangin sawrkarah revenue nuai 534.55 chhungluh a ni.

3) HOME DEPARTMENT:

A. LUNGLEI DEF:

i) Police te hian rim takin hna an thawk a. Kum 2021-22 chhungin Lunglei District-ah case 128 ziah luh niin police station leh police outpost thawktute chuan foot leh mobile patrolling an nei thin a ni. 

 

ii) Lunglei PS ah Family Counseling Centre siam niin District chhung khua/veng 48-ah Village Defense Parties din a ni bawk. 

 

iii) School 11 ah Legal Awareness (POCSO Act,COTP Act, MV Act, Drug abuse etc) Campaign neih a ni.

 

B. DISTRICT JAIL:

 

i) IG Prisons Funding atangin Jail kitchen sak that niin Jail fencing light atan LED street light 10 vuah belh a ni.

C. 2nd Bn MAP:

i) Assam, West Bengal, Manipur, LADC leh Serchhip Bye Election-ah te 2nd Bn MAP sipai an duty a.

 

ii) Sipai 60 te chu border duty turin Mizoram – Assam Border ( viz Bairabi, Buarchep and Vairengte Auto stand) ah duty tir an ni bawk.

 

D.  3 (NH) Bn ASSAM RIFLES:

i) Silai leh silaimu, puakthei (explosives) chi hrang hrang leh dan in a phal loh bungrua te (Opium, Currency, kuhva rah etc) man a ni.

 

ii) Hmalakna hrang hrang - pre recruitment training, career awareness, Blood Donation Camp, Christmas Carnival, Free Medical Camp, Anti drug campaign etc te neih a ni.

 

 

E.  131Bn BSF:

Hmalakna hrang hrang - Fit India Freedom Run, Weapon exhibition, hospital leh school mamawh thil pek, medical camp, Dog Show etc te buatsaih a ni.

 

 

F.  SAINIK WELFARE & RESETTLEMENT:

i) World war-II Veteran 6 (paruk) leh an nupui thihsan mi 78 te hnenah thla tin pension sem thin a ni. 

 

ii) Ex-Serviceman pension la lo, kum 65 tling tawh mi 19 te hnenah tanpuina (penury grant) 2021-22 atan Rs. 48,000/- theuh pek an ni.

 

4) HEALTH & FAMILY WELFARE:

i) June 2020 atang khan Truenat Laboratory chu hman tan niin RT-PCR Laboratory chu January 2022 atanga hman tan a ni bawk. 

 

ii) Hmasawnna ruhrel thar hengte - CMO Office Building, Type III Quarter panga (5 Units) leh emergency case enkawl vat theihna tur Trauma Care Facilities-te chu June 2022 khan hawn an ni.

 

iii) National Health Mission (NHM) hnuaia scheme hrang hrangte hlawhtling taka kalpui mek zel a ni bawk.

 

iv) Thawktu Doctor, Nurse te leh Multi Purpose Worker te thawhrimna kan chhuang a ni. 

5) RURAL DEVELOPMENT:

i) 2021–2022 chhungin MGNREGS Job Card Holder mi 32,972 awmin ni 96 inhlawhna siam a ni. 

 

ii) 2016 atang khan PMAY-G beneficiary 1157 ten an chenna in tur an sa.

 

iii) BDO Lunglei kaltlangin MzSRLM hnuaiah Self Help Group SHG 224 din tawh a ni. 

 

6) SIRD&PR:

i) July 2021 atanga March 2022 chhungin mi 1818 tan training 51 a buatsaih a ni.

 

7) UD&PA:

i) Pradhan Mantri Awas Yojana – Housing For All (Urban) hnuai ah chhungkaw 588 te chuan in thar sa zo tawhin chhungkaw 1398 in an sa mek a ni. 

 

ii) Credit Linked Subsidy Scheme (Housing Loan) chhungkaw 393 te tan pek mek an ni.

 

iii) Swachh Bharat Mission (Urban) hnuaiah 2021-ah vantlang ekin 30, zunin 20 leh mimal ekin 161 sak zawh niin Solid Waste Management Center sak hna thawh tan mek a ni.

 

8) EF&CC:

i) Lunglei District chhunga Ram 340 hectares a zau ah ram ngaw siam that hna thawh a ni.

 

ii) Green Mizoram Day 2022 ah thing tiak 8332 phun a ni.

 

iii) 2022-ah Lunglei District-ah Ram kang a awm lo va, a lawmawm hle. Forest Department-a thawkte leh NGO, mipui thawhhona a lawmawm hle a ni.

 

9) AGRICULTURE:

i) SEDP hnuaiah sugarcane farmer 122 leh maize farmer 1975 te tanpuina pek an ni.

 

ii) HPC kaltlangin agriculture hmasawnna hna 18, cheng nuai 164.50 man hu thawh zawh tawh a ni.

 

iii) Rural Infrastructure Development Fund (RIDF)hnuaiah khaw panga –(Lungdai ‘S’, Buarpui, Serte, Zawlpui, Mamte) ah te agriculture hmasawnna hna thawh a ni.

 

10) HORTICULTURE:

i) Horticulture Department hmalaknain kuthnathawktuten thei variety pali (4) (Dragon Fruit, M Orange, Pineapple leh Watermelon) leh thlai variety 17 chingin kum 2021-22 chhungin quintal 4400.31 an thar chhuak a ni.

 

ii) SEDP leh NEC kaltlanga mau chin (Bamboo Development) project-ah beneficiary 410 thlanchhuah tawh niin NEC sum hi beneficiary te hnenah pek chhuah tawh a ni.

11) LAND REVENUE & SETTLEMENT:

i) National Highway–54 zauhna atan chhungkaw 2789 atangin ram acquired niin Rs. 401,06,26,326/- (Cheng vaibelchhe zali pakhat, nuai ruk, sing hnih sang ruk leh zathum sawmhnih paruk) compensation semchhuah a ni.

 

ii) National Highway-302 zauhna atan chhungkaw 1434 ram acquired niin Rs.222,08,25,123/- (Cheng vaibelchhe zahnih sawmhnih pahnih, nuai riat sing hnih sang nga za sawmhnih pawthum) compensation semchhuah a ni.

 

iii) Sawrkarah Rs 1,88,32,416/- (Cheng vaibelchhe khat, nuai sawmriat pariat, sing thum sang hnih  zali sawm paruk) chhunluh a ni.

 

12) PWD:

i) PWD Tlabung Division hnuaiah formation cutting 62.25 kms, rigid pavement 47.54 kms, bridge construction 2; Lunglei Road Division I hnuaiah formation cutting 132.35 kms, flexible pavement 81.52 kms; Lunglei Road Division II hnuaiah Formation Cutting 20.00 Km, Widening 23.11 Km,flexible pavement 8kms, rigid pavement 16.40 kms te thawh an ni.

 

ii) PWD Building Division chuan cheng nuai 822.55 man hu project pali an sa zo a. Cheng nuai 1534.75 man hu project pasarih thawh mek a ni.

 

13) PHE:

i) Lunglei Water Supply Maintenance Division PHED hnuaiah Tlawng hnar Recharging Dam, Improvement of Greater Lunglei Water Supply Scheme, Vanhne WSS (Retrofitting), Thuampui WSS (Retrofitting) te thawh mek a ni.

 

ii) HPC Lunglei fund cheng nuai 100 kaltlangin rainwater harvesting, tuikhur siam that, leh fire hydrant siam hna te thawh zawh a ni.

 

iii) PHED Rural Watsan Division chuan khaw panga –(Buarpui, N Mualthuam, Chhipphir, Ralvawng leh Zotuitlang) ah te ni zung chakna hmangin tui an pump a, in tinah connection an pe vek a ni. Hemi bakah hian khaw 15-ah tui lakluh vek niin in tinah tui connection pek vek an ni.

14) P&E:

i) NERPSIP (North Eastern Region Power System Improvement Project) hnuaiah 132kV Sub-Station, Khawiva leh 132kV Sub-Station, Lungsen-ah te Single Phase Transformer dah belh hna thawh mek a ni.

ii) Lunglei khawpui leh a chhehvel khuate chawmtu tur Kawmzawl-ah 2x25MVA, 132/33kV Sub-Station siam hna Rs. 16.9 Crore hmanga siam chu thawh zawh tawh niin February 2022 khan hawn a ni.

 

iii) IBBL (Indo Bangladesh Border Flood Lighting) Borapansury hnathawh zawhfel tep a ni.

 

15) AH&VETY:

i) January 2022- June 2022 chhungin Vety Hospital, Vety Dispensary leh Rural Animal Health Centre-ah te case 12,183 enkawl niin ran vaccine 5003 pek a ni.

ii) SEDP Beneficairy 154 te hnenah 2nd Installment pek fel tawh an ni.

 

  1. Mizoram State Council for Technical Education hnuaia affiliate Integrated AH & Vety Training Institute(IAH&VTI) kalpui mek a ni. 

16) SOCIAL WELFARE:

A. SOCIAL WELFARE & TRIBAL AFFAIRS:

i) Old Age Pension scheme ah beneficiary 848, Widow pension scheme beneficiary 354, Disability pension scheme ah beneficiary 136 an awm mek a ni.

ii) Vocational Training Centre, Chanmari ah hotel management, beauty & wellness etc training mi 94 an awm mek a ni.

 

B.  WOMEN & CHILD DEVELOPMENT (ICDS):

i) Anganwadi 418 hnuaiah nu leh naupang beneficiary mi 20,779 an awm mek a ni.

 

ii) PMMVY (Pradhan Mantri Mantru Vandana Yojana) Scheme hnuaiah April – June 2022 hun chhungin mi 212 in tanpuina an dawng.

 

C. DISTRICT CHILD PROTECTION UNIT:

i) Naupang 42 ten tanpuina (sponsorship) thla tin cheng sang hnih (Rs.2000/-) an dawng a ni.

 

ii) Child Care Institution paruk (6) hnuaiah 2021-22 ah naupang 196 enkawl belh an ni.

17) FOOD, CIVIL SUPPLIES & CONSUMER AFFAIRS:

 

i) National Food Security Act, (NFSA) 2013 hnuaiah Ration la thin mi 1,70,466 an awm a ni.

 

ii) One Nation One Ration Card (ONORC) Scheme hi Lunglei District ah August 2021 atangin hman tan a ni.

 

iii) POL Trip 289 leh LPG trip 185  (Rural area) leh trips 305 (Town area) ah dawn a ni.  

 

 

18) TAXATION:

 

i) 2021-22 chhunging Goods & Services Tax (GST), Profession Tax, Mizoram Value Added Tax(MVAT), Entertainment Tax kaltlangin  cheng nuai 750.23 hmuh a ni.

 

19) FISHERIES:

i) PRADHAN MANTRI MATSYA SAMPADA YOJANA PMMSY Scheme hnuaiah chhungkaw 125 hnenah sangha dil siam tanpuina pek chhuah an ni.

 

ii) HPC, Lunglei bultumin Excel consultation Farm nen tangkawpin Common carp note thahnem tak thar chhuah niin man tlawm zawka hralh chhuah a ni.

 

20) COMMERCE & INDUSTRIES:

 

i) Agri–Marketing and Training Infrastructure Building, Electric Veng, Lunglei, chu 28th February 2022 ah hawn a ni.

 

ii) Lunglei Market & Trade Centre (Super Market) chu North Eastern Council (NEC) sum cheng vaibelchhe 14.03  kaltlanga sak that project kalpui mek a ni. 

 

iii) Kawrpuichhuah Integrated Check Post (ICP)ah cheng vaibelchhe 3.5 hmangin Land development leh fencing hna te zawhfel tep a ni.

 

iv) Indo-Bangla insumdawn tawnna hi chak taka hma lak zui zel a ni.

 

21) DISTRICT INDUSTRIES CENTRE:

 

i) PMEGP beneficiary 54 te tan eizawnna bultanna turin cheng nuai 362 sanction a ni.

22) MIZORAM KHADI & VILLAGE INDUSTRIES BOARD:

i) PMEGP Scheme hnuaiah small industries thar 33 atan cheng nuai 199 sanction a ni. 

 

23) SERICULTURE:

i) HPC Eri Development Scheme hnuaiah kuthnathawktu 10 thlanchhuah tawh niin eri vulhna tur tanpuina Rs 100,000 thleng pek an ni.

 

ii) Silk Samagra-2 hnuaiah Eri pangang vulh tur mi 84 thlanchhuah an ni.

 

24) SCHOOL EDUCATION:

i) Education Complex, Lunglei, cheng nuai 1040 senga sak chu 8th July 2022 khan Pu Zoramthanga, Hon’ble Chief Minister, Govt of Mizoram chuan a hawng a ni.

 

ii) Primary School-ah Zirtirtu 2 lak niin Upper Primary School-ah zirtirtu 5 lak an ni bawk.

 

25) MBSE:

i) Mizoram Teacher Eligibility Test (MTET) 2022 chu District pali- Lunglei, Lawngtlai, Siaha leh Hnahthial District ah Exam Centre hawn niin  hlawhtling taka Exam neih a ni. 

 

26) TRANSPORT DEPARTMENT:

i) Revenue leh MST service atangin cheng nuai 160.42 hmuh a ni. 

 

ii) Kum 2021-22 chhungin lirthei 1711 register niin driving license 2153, learners license 2873 leh conductor license 5 pek chhuah a ni.

 

 

27) COOPERATION:

 i) Kum 2021-2022 chhungin Cooperative Societies 15 ziahluh thar an ni.

ii) Pradhan Mantri Van Dhan Yojona (PMVDY) hnuaiah Cooperative Societies paruk (6) te Kendra Clusters tura thlanchhuah niin Rs. 54.25 lakhs sanction a ni. Kendra tin te hmanrua pek niin pickle, aieng, chawhchhi tel,etc. te an siam in an zuar chhuak a ni.

 

28) INFORMATION & PUBLIC RELATIONS:

i) FY 2021-22 chhungin sawrkar press release 477 tih chhuah a ni.

 

ii) December 2021 khan Parliamentary Research & Training Institute for Democracies (PRIDE), Lok Sabha Secretariat, New Delhi ah Journalists leh IPRO te tan training buatsaih a ni. 

 

29) EXCISE & NARCOTICS:

i) MLP Act, 2019 hnuaiah case 389 awmin mi 432 man an ni. 

ii) NDPS Act, 1985 hnuaiah case 127 awmin mi 157 man an ni.

 

30) IRRIGATION & WATER RESOURCES DEPARTMENT:

 

  1. Pradhan Mantri Krishi Sinchai Yojana PMKSY-1&2 hnuaiah cheng nuai 786 sengin Minor Irrigation Project paruk (6) kalpui mek a ni.

 

  1. National Hydrology Project (NHP) kaltlangin cheng nuai 250 senga Southern Data Centre (SDC) sak hna chu Lunglei Chanmari ah kalpui mek a ni.

 

31) LESDE:

i) Employment Exchange hnuaiah  hna zawnglai mi 5177 in ziaklut mekin a tul angin an hnathawh tur ang kawhhmuh sak an ni.

ii) ITI Lungleiah zirlai 38 ten trade 6 hnuaiah training an nei mek a ni. 

32) LAND RESOURCES, SOIL & WATER CONSERVATION:

i) Nghasih catchment area-ah gabion check dam 112 leh stagger contour trench 4000 siam a ni. 

ii) Khaw 13 ah kuthnathawktu chhungkaw 130 tan contour bund siam a ni.

 

33) ART & CULTURE:

i) Sazaikawna District Museum sak hna 70% zawh fel tawh a ni.  

ii) Azadi Ka Amrit Mahotsav programme- Pawlkut chu December 2021-ah hlawhtling taka neih a ni. 

 

34) CUSTOMS PREVENTIVE FORCE:

  1. FY 2021-22 chhungin bungraw tawlh ru (smuggling) case pariat (8) awmin cheng nuai 122.83 man hu a ni. 

 

35) SPORTS & YOUTH SERVICES:

  1. State Sports Academy, Zobawk chu 70% zawh tawh a ni.
  2. Pradhan Mantri Jan Vikas Karyakram (PMJVK) kaltlangin sports hmasawnna ruhrel engemawzat ruahman mek a ni.

 

36) ACCOUNTS & TREASURIES:

i) Lunglei District-ah pensioner 3719 awmin 2021-22 chhungin pension payment mi 423 hnenah pek an ni.

ii) Integrated Financial Management Information System (IFMIS)chu Lunglei District-ah hman tan tawh a ni.

 

37) DEPARTMENT OF POSTS:

  1. Lunglei District ah Post Office pakhat, Sub Post Office pahnih leh branch post office 42 a awm mek a.
  2. India Post Payments Bank hnuaia account 34,052 nei an awm mek bawk.

38) ECONOMICS & STATISTICS:

i) Kum 2021-22 chhungin Certificate 1366 pek chhuah a ni. 

ii) Rs. 5,00,600 (Cheng nuai nga leh za ruk) sawrkar revenue ah chhunluh a ni.

 

39) LEGAL METROLOGY:

i) Petrol leh diesel trip 762 leh LPG gas trip 484 endik a ni.

 

40) MIZORAM POLYTECHNIC:

 

i) AICTE PRAGATI Scholarship Scheme for Girls atangin zirlai hmeichhia 23 ten R.s 50,000/- theuh an dawng.

 

41) LOCAL ADMINISTRATION:

I) Kum 2021-22 chhungin VC 113 te hnenah 15th Finance Commission Grant cheng nuai 1652.55 pek chhuah a ni. 

II) Animal tax (ran chhiah) Rs. 2,15,105/- (nuai hnih sing khat sang nga, za leh panga) hmuh a ni.

 

42) NATIONAL INFORMATICS CENTRE:

i) Lunglei District portal lunglei.nic.in chu enkawl a ni. 

ii) Ministry of Road Transport & Highways hnuaiah Integrated Road Accident Database siam a ni.

 

He hun pawimawh tak kan hman mek lai hian Lunglei District mipuite tana Sawrkar hmalakna tlangpui leh hlawhtlinna hrang hrangte kan han tarlang a ni a. Sawrkar hmalakna reng rengah hian a hlawhtlinna hi thawktute leh mipuite kutah a in nghat thui em em a. Vawiina kan han tarlan te pawh hi thawktute inpekna leh Lunglei District mipuiten Sawrkar kan thlawp thatna avanga hlawhtling a ni tih ka sawi duh a. Sawrkar aiawhin in chungah lawmthu ka sawi a ni.  

 

Mizoram ralmuanna boruak vawnghim tura mipui vantlang, kohhran-te, media-te leh tlawmngai pawl hrang hrangte inpekna a fakawm takzet a.  

 

Vawiin ni pawimawh tak, India Independence Day champha vawi 75-na hi kan ram tan, Lunglei District tan, bul kan tan thar na ni lo ni se. He Ni lawmna ti hlawhtling tura helaia lo kalkhawm zawng zawngte leh in lama lo thlir te Independence Day Chibai ka buk nawn leh a che u. 

 

India ram leh Mizoram in hma a sawn zel theih nan theihtawp chhuah a thawk zel turin inhlan thar leh ang u. 

 

Pathianin India ram leh kan state Mizoram malsawm rawh se.

 

KA LAWM E. 

JAI HIND.