1613/2022-2023

Mamit 15th August, 2022 : India Independence Day vawi -76 na puala buatsaih Football leh Volleyball inelna lawmman chu Independence Day, 2022 Mamit- a khuallian ni-a hmanpuitu Pu T.J. Lalnuntluanga, Minister, Law & Judicial, Parliamentary Affairs, Transport, Environment, Forest & Climate Change chuan a hlan.

Independence Day puala buatsaih Football Tournament-ah hian Luangpawl FC leh Field veng FC te chuan final khelin Field Veng Football Club-te an Champion a. Volleyball Tournament mipa-ah Venghlun Volleyball Club Champion-in hmeichhe Team-ah Tza Memorial Volleyball Team-te an Champion bawk a ni.

Football Champion Team-te hian lawmman pawisa fai Rs. 20,000/- leh Trophy a keng tel a. Fairplay Team-ah Kawrtethawveng FC te thlan an ni. Volleyball Champion Mipa team hian Rs. 15,000/- leh trophy dawngin Hmeichhe Champion Team hian Rs. 10,000/- leh trophy an dawng a ni. 

India Independence Day, 2022 puala Tournament buatsaihah hian Mamit khawpui bakah District chhung khaw hrang hrang atangin Football Team 29 an tel a. Volleyball Team-ah hian Mipa Team 14 leh Hmeichhe Team 4 an tel bawk a ni.

Minister hi Er. H. Lalzirliana, Bialtu MLA chuan a tawiawm a ni.