1675/2026-2027

Siaha the 6th August 2026: India ram Independence Day 2026 lawm dan tur inpuahchahna thlirletna thutkhawm chu vawiin khan DC Mini Conference Hall, Siaha-ah Pu VL Hruaizela Khiangte, District Bawrhsap kaihhruaina hnuaiah neih a ni.

Thutkhawm kaihruaitu District Bawrhsap chuan India ram puma ropui taka lawm tur Independence Day chu Siaha-ah pawh tluang taka hman a nih theih nan, mawhphurhna nei department hrang hrangte chu tha taka inbuatsaih turin a chah a. He ni ropui tak hi zahawm taka lawm a nih theih nan theihtawp chhuah turin a ngen.

Kumin Independence Day lawmna chu SDFA Ground, Meisatla-ah neih a ni dawn a. He huna khuallian tura beisei chu Pu Lalnghinglova Hmar, Minister of State a ni. Programme hi chawhma dar 10:00 ah tan tura ruahman a ni. Chawhnu dar 12:30 ah MADC Chief Executive Member huaihawtin a bungalow ah sawm bikte tan “VIPs at Home” buatsaih a ni bawk dawn.

Kumin Independence Day lawmna atan hian Parade Contingent 22 tel tura beisei a ni. Chungte chu:

1) Armed Contingent - 2 : Mizoram Police leh Mizoram Home Guard & Civil Defence

2) Unarmed Contingent - 4 : NCC Govt. High School, NCC Don Bosco School, Scouts & Guides Don Bosco School leh Pipe Band, Govt. High School

3) School Contingent - 16