1676/2026-2027

Siaha the 6th August 2026 : Vawiin khan District Treasury Office, Siaha bultumin DRDO Conference Hall, DC Complex, Siaha-ah Sensitization Programme on Voluntary Surrender of Pension Payment Orders (PPOs) neih a ni.

Hun hi Pu C. John Lalmuansanga, Treasury Officer, Siaha chuan a kaihruai a. Kalkhawmte lawmthu a hrilh bakah, diklo taka pension la mek te chu sorkarin hun a hawnsak chhung hian mahni thua pekir (surrender) turin a sawm.

Pu Ellis H. Pachuau Audit & Accounts Officer, Accounts & Treasuries, Southern Zone chu resource person niin Sorkar-in July Ni 1 , 2026 atanga September Ni 30, 2026 thleng diklo taka pension la te pek kir hun (Voluntary Surrender of PPOs) a hawnsak thu te, document diklo hmanga pension lak avanga State pumin harsatna a tawh thu te leh chumi in a nghawng that loh dante a sawi fiah.

Pu PL. Zonunmawia, Assistant Accounts Officer, District Treasury Office, Siaha chuan Siaha District chhunga pension la mek te leh thlatin pension atana sorkar in sum a hman zat te a tarlang bawk. Pi Rosalyn J. Mokhu, Accountant, District Treasury Office chuan lawmthu sawiin hun a khar a ni. He hunah hian Siaha District chhunga Department hrang hrang atangin pension khawihtute an kalkhawm a ni.

Mizoram Sorkar chuan document diklo hmanga Family Pension la te tan mahni duhthu ngeia pekkir theihna hun 1st July, 2026 atanga 30th September, 2026 thleng a hawng a. He hun chhunga surrender lote chu an chungah dan ang taka hma lak a ni dawn a ni.