India Independence Day champha phak vawi 62-na chu ram chhungah leh ram pawnah te hman anih rualin, Aizawlah pawh vawiin khan Lammualah Chief Minister Pu Lal Thanhawla hovin zing dar 9 khan ropui taka hman a ni.
Chief Minister chuan thuchah sawiin, India zalenna hi British awpbehna atangin tharum tel lo, dikna hmanga sualchhuah a ni a, hei vang hian kan zalenna hmuh hi a ropui a, ram dang mite pawhin min ngaihsan phahin min zah phah a ni a ti a. Zalenna kan hmuh theih nana nunna hlu tak hlan tute, tawrhna nasa tak tuartu te leh mi tam tak inpekna te hre rengin, an chungah chawimawina a hlan a. A bik takin, Hnam Pa Mahatma Gandhi, Pandit Jawarharlal Nehru, Sardar Patel, Netaji Subhas Chandra Bose, Maulana Abdul Kalam Ajad leh midangte kan hre reng a ni a ti.
Pu Hawla chuan zalenna kan neih atang khan India chuan namenlovin hma a sawn a. Sum leh pai bakah, ramdangte nena kan sum veivir pawh nasa taka thangin, tunhnai maia khawvela sum leh pai dinhmun tlakniam, global recession khan min nghawng velo a, than lam kan pan zel a ni a ti a. Dr. Manmohan Singh kaihhruainain science and information technology lamah leh civil nuclear energy lama kan hmasawnna pawh khawvel hriat a tling ta a. Kum 60 kal ta chhunga ramin hmasawnna a neih te ram chhung kil tin dapa hmuh tur awm ta te hi India khua leh tui zawng zawng te tan chuan chhuanpui tlak a tling a ni a ti.
Chief Minister chuan a sorkar chu kum chanve awrh chauh ala nih thu sawiin, siam that hna thawk chung zela kal an nih avangin chak taka kalpui a harsat thu a sawi a. Sorkar chu tha taka a kal chhoh theih nan Ministerte pui turin Parlimentary Secretary te amah ngeiin rinawmna thu tiam tira a lakluh thu a sawi a. An hun hmasa a an sulhnu hlamchhiaha awm mekte chu tuai thar an ni ang a ti a. Kuthnathawktute leh mi chanhai, pachhiate chu sorkarin a ngaihpawimawh ber tur thu sawiin, central sorkar pawhin an ngaipawimawh a ni a ti a. A chhanchhuah hna thawk turin NLUP chu Zoram dung leh vangah hman a ni ang a ti. Khawpuia mirethei tam tak awmte pawh ngaihthah an ni lovang a ti bawk a ni. Pu Hawla chuan thenawm ramte nena insumdawn tawnna a awm theih nan Trade & Investment Conclave neih tak bawhzuiin, Bangladesh nen MOU sign nghal a nih thu a sawilang a. Kan state pawna kan lakhuihthei te thawnchhuah a nih theih nan hmalak mek a nih thu a sawi a. Hei hi kuthnathawktute hamthatna tur niin, kum 2 chhunga puitlin theih tura beisei a ni a ti.
Kan ramah kuttling lova sum lakluh tumna tihbo anih theih nan leh kan ram leh hnam tlukchhiatna bul, eirukna nuaibo a nih theih nan Anti Corruption Bureau chu tilianin, IGP ho tura hmalak mek a nih thu a tarlang a. Lok Sabha Inthlanpui 2009 leh South Tuipui Bye Election te fel fai tak, zalen leh ralmuang tak zawh fel a ni chu mitin hnenah Chief Minister chuan lawmthu a sawi a. Dan leh hrai tha zawk kan neih theih nan Law Commission pawh din fel a nih tawh thu a sawi bawk a. Zirlaite hmakhua ngaia, khawvel thang zel mila an zir chhoh ve zel theih nan a siam that hna thawk turin Education Reforms Commission pawhin chak tak hna a thawh chhoh mek thu a sawi bawk a. Vawiin Independence Day lawmna a zirlai thahnem tak an kal avangin Chief Minister chuan an chungah lawmthu abikin a sawi nghe nghe a. He ni pawimawh takah hian sorkar hotute an kal that viau laiin sawrkar hnatawktu dang te pawhin neitu chan changa ngaihpawimawh viau awm tak, kal an tlem em avangin Chief Minister chuan ‘indiscipline’ inthununna awmlo a ni a ti.
Chief Minister chuan Mizote hi zuk leh hmuam ti nasa leh ei leh in duhtui tawklo kan nih avangin kan hriselnain a tawrh nasat thu a sawi a. Thingtlang lam mi ten hriselna tha zawk an neih theih nan National Rural Health Mission hnuaiah nasa zawka hmalak tur a nih thu sawiin, kan hospitalte pawh thuam tha in, hospital danga refer leh chhawn ngai tawh lo turin thihna tlak damdawiin ah siam vek tum a ni a ti. Kolkata airport bula TATA hospital sakna tur bulah Mizoram House sak tum a nih thu Chief Minister hian a sawi bawk a ni.
Rel kawng chungchang sawilangin, Chief Minister chuan Sairang thleng rel kawng siam tum anih thu a sawi a. Mizoram chhim lama Koladyne Multi Nodal Transport Project hmalak tan mek chu Myanmar Sittwe port atanga Lawngtlai thleng motor lian tlan theihna tur kawngpui siam chu Mizoram PWD kutah Central sorkarin dahin a thawhna tur cheng vaibelchhe 680 pawh a rawn sanction tawh a ni a ti a, tunah hna thawh tan mek anih thu a sawi a. Zawh fel anih hunah chuan helai thleng hi rel kawngin a pawh a ngaih tur thu a sawi bawk. Chief Minister chuan rel kawng siam vanga mi tumah chimrala an awm ala hriat ngailoh thu sawiin, chimral hlauhawmna chu kan khua leh tui nilo, nitin mi nuai hnih dawn vel kan ram chhunga inhlawhfa reng, kan sum vaibelchhe tel min hui sak tute hi an ni zawk a. Anni hi kan hupbeha, an thawh ang thawk peih a taimak kan chhuah a ngai a ni a ti. Chuvangin chimral kan hlau anih chuan kan taima tur a ni Chief Minister chuan a ti.
He ni ropui takah hian Chief Minister chuan Mizoram mipui zawng zawngte chu chibai bukin duhsakna a hlan a ni.
Independence Day lawmna a parade contingents hi an vaiin 29 an ni a. Chung zingah chuan Armed Contingent 5, Unarmed 10, High Schools 10 leh Band Party 4 an ni. He ni denchhen hian State Teachers Award for Outstanding Service chu zirtirtu 3 hnenah lawmman hlan a ni a. Award dawngtute chu 1) Pu Lalbeiseia, Middle School I, Kawnpui 2)Pi Ngurthankhumi Sailo, Govt Pianghleia H/S leh Pi J.Lalrinmawii, Primary School I, Sakawrtuichhun te an ni . Lawmman hian pawisa fai Rs.5000/-, Medal leh Citation a keng tel a ni. Parade Contingents lawman dawngtute ; Armed contingents ah 1-na 1st MAP, 2-na MRHG leh 3-na 3rd MAP te ni a, Unarmed ah 1st Home Mission School NCC 2-na Govt K.M. H/S Rangers Scouts & Guides leh 3rd Govt Hrangbana College NCC te a ni. School Contingents ah 1st Govr Chaltlang H/S 2nd Home Mission School leh 3rd Govr Republic H/s te an ni. Heng lawmman te hi Chief Minister hian a hlan hlawm a ni.
Independence Day Volleyball Running Trophy MEN ah 1-na Chawnpui Volleyball Club leh 2-na Chanmari West te an ni a, WOMEN ah 1-na J.C.Security Volleyball Club leh 2-na Electric Veng Volleyball Club te an ni.
Pu Hawla chuan zalenna kan neih atang khan India chuan namenlovin hma a sawn a. Sum leh pai bakah, ramdangte nena kan sum veivir pawh nasa taka thangin, tunhnai maia khawvela sum leh pai dinhmun tlakniam, global recession khan min nghawng velo a, than lam kan pan zel a ni a ti a. Dr. Manmohan Singh kaihhruainain science and information technology lamah leh civil nuclear energy lama kan hmasawnna pawh khawvel hriat a tling ta a. Kum 60 kal ta chhunga ramin hmasawnna a neih te ram chhung kil tin dapa hmuh tur awm ta te hi India khua leh tui zawng zawng te tan chuan chhuanpui tlak a tling a ni a ti.
Chief Minister chuan a sorkar chu kum chanve awrh chauh ala nih thu sawiin, siam that hna thawk chung zela kal an nih avangin chak taka kalpui a harsat thu a sawi a. Sorkar chu tha taka a kal chhoh theih nan Ministerte pui turin Parlimentary Secretary te amah ngeiin rinawmna thu tiam tira a lakluh thu a sawi a. An hun hmasa a an sulhnu hlamchhiaha awm mekte chu tuai thar an ni ang a ti a. Kuthnathawktute leh mi chanhai, pachhiate chu sorkarin a ngaihpawimawh ber tur thu sawiin, central sorkar pawhin an ngaipawimawh a ni a ti a. A chhanchhuah hna thawk turin NLUP chu Zoram dung leh vangah hman a ni ang a ti. Khawpuia mirethei tam tak awmte pawh ngaihthah an ni lovang a ti bawk a ni. Pu Hawla chuan thenawm ramte nena insumdawn tawnna a awm theih nan Trade & Investment Conclave neih tak bawhzuiin, Bangladesh nen MOU sign nghal a nih thu a sawilang a. Kan state pawna kan lakhuihthei te thawnchhuah a nih theih nan hmalak mek a nih thu a sawi a. Hei hi kuthnathawktute hamthatna tur niin, kum 2 chhunga puitlin theih tura beisei a ni a ti.
Kan ramah kuttling lova sum lakluh tumna tihbo anih theih nan leh kan ram leh hnam tlukchhiatna bul, eirukna nuaibo a nih theih nan Anti Corruption Bureau chu tilianin, IGP ho tura hmalak mek a nih thu a tarlang a. Lok Sabha Inthlanpui 2009 leh South Tuipui Bye Election te fel fai tak, zalen leh ralmuang tak zawh fel a ni chu mitin hnenah Chief Minister chuan lawmthu a sawi a. Dan leh hrai tha zawk kan neih theih nan Law Commission pawh din fel a nih tawh thu a sawi bawk a. Zirlaite hmakhua ngaia, khawvel thang zel mila an zir chhoh ve zel theih nan a siam that hna thawk turin Education Reforms Commission pawhin chak tak hna a thawh chhoh mek thu a sawi bawk a. Vawiin Independence Day lawmna a zirlai thahnem tak an kal avangin Chief Minister chuan an chungah lawmthu abikin a sawi nghe nghe a. He ni pawimawh takah hian sorkar hotute an kal that viau laiin sawrkar hnatawktu dang te pawhin neitu chan changa ngaihpawimawh viau awm tak, kal an tlem em avangin Chief Minister chuan ‘indiscipline’ inthununna awmlo a ni a ti.
Chief Minister chuan Mizote hi zuk leh hmuam ti nasa leh ei leh in duhtui tawklo kan nih avangin kan hriselnain a tawrh nasat thu a sawi a. Thingtlang lam mi ten hriselna tha zawk an neih theih nan National Rural Health Mission hnuaiah nasa zawka hmalak tur a nih thu sawiin, kan hospitalte pawh thuam tha in, hospital danga refer leh chhawn ngai tawh lo turin thihna tlak damdawiin ah siam vek tum a ni a ti. Kolkata airport bula TATA hospital sakna tur bulah Mizoram House sak tum a nih thu Chief Minister hian a sawi bawk a ni.
Rel kawng chungchang sawilangin, Chief Minister chuan Sairang thleng rel kawng siam tum anih thu a sawi a. Mizoram chhim lama Koladyne Multi Nodal Transport Project hmalak tan mek chu Myanmar Sittwe port atanga Lawngtlai thleng motor lian tlan theihna tur kawngpui siam chu Mizoram PWD kutah Central sorkarin dahin a thawhna tur cheng vaibelchhe 680 pawh a rawn sanction tawh a ni a ti a, tunah hna thawh tan mek anih thu a sawi a. Zawh fel anih hunah chuan helai thleng hi rel kawngin a pawh a ngaih tur thu a sawi bawk. Chief Minister chuan rel kawng siam vanga mi tumah chimrala an awm ala hriat ngailoh thu sawiin, chimral hlauhawmna chu kan khua leh tui nilo, nitin mi nuai hnih dawn vel kan ram chhunga inhlawhfa reng, kan sum vaibelchhe tel min hui sak tute hi an ni zawk a. Anni hi kan hupbeha, an thawh ang thawk peih a taimak kan chhuah a ngai a ni a ti. Chuvangin chimral kan hlau anih chuan kan taima tur a ni Chief Minister chuan a ti.
He ni ropui takah hian Chief Minister chuan Mizoram mipui zawng zawngte chu chibai bukin duhsakna a hlan a ni.
Independence Day lawmna a parade contingents hi an vaiin 29 an ni a. Chung zingah chuan Armed Contingent 5, Unarmed 10, High Schools 10 leh Band Party 4 an ni. He ni denchhen hian State Teachers Award for Outstanding Service chu zirtirtu 3 hnenah lawmman hlan a ni a. Award dawngtute chu 1) Pu Lalbeiseia, Middle School I, Kawnpui 2)Pi Ngurthankhumi Sailo, Govt Pianghleia H/S leh Pi J.Lalrinmawii, Primary School I, Sakawrtuichhun te an ni . Lawmman hian pawisa fai Rs.5000/-, Medal leh Citation a keng tel a ni. Parade Contingents lawman dawngtute ; Armed contingents ah 1-na 1st MAP, 2-na MRHG leh 3-na 3rd MAP te ni a, Unarmed ah 1st Home Mission School NCC 2-na Govt K.M. H/S Rangers Scouts & Guides leh 3rd Govt Hrangbana College NCC te a ni. School Contingents ah 1st Govr Chaltlang H/S 2nd Home Mission School leh 3rd Govr Republic H/s te an ni. Heng lawmman te hi Chief Minister hian a hlan hlawm a ni.
Independence Day Volleyball Running Trophy MEN ah 1-na Chawnpui Volleyball Club leh 2-na Chanmari West te an ni a, WOMEN ah 1-na J.C.Security Volleyball Club leh 2-na Electric Veng Volleyball Club te an ni.
Attachment
- Loading attachment...
