Vawiin chawhma dar 10:00 khan LDFS Ground No. 1 Lunglei-ah India Independence day champha vawi 62 na lawmna programme ropui taka hman a ni. He lawmna programme ah hian Pu P.C. Lalthanliana, Minister in India hnam puanzar pawtparhin parade contingent 18 te salute a chhawn a ni.
Thu sawiin Minister chuan India zalenna tura sulsutute vawiinah kan hre reng a ni a ti a. Chubalah Pu Lal Thanhawla kahhruai Mizoram sorkar in a kawng hrang hranga a hmalaknate a tarlang a. Vawiin ni ah hian rilru hmunkhat pu in India ram inpumkhatna leh hmasawnna atana thawk ho turin mipuite a ngen a, Mizoram sorkar chu kawng tinrengah tawiawma finchhuah an ngaihna lai apiangah finchhuah a ram siamtha turin a ngen bawk.
Vawiin vek hian zing dar 7:00 ah Tlabung PCSA Play Ground-ah Pu Nihar Kanti Chakma, Minister in hman puanzar pawtparhin parade contigent te chibai a chhawn bawk a ni.
Thu sawiin Minister chuan ram leh hnam inpumkhatna tha nei zel turin leh state ralmuang ni zel turin mitinte sorkar tanpuia thawkho turin a sawm a ni. Lunglei leh Tlabung ah hian Independence Day thil pek Hospital leh Chhanchhuahna in hrang hrangah hlanna neih a ni a. Tlabung Leprosy Centre-ah pawh thil pek hlanna neih a ni bawk.
Hnahthial Sub-Division ah pawh zing dar 10:00 khan Pu John Siamkunga, bialtu MLA in hnam puanzar pawtparhin parade contingent 14 te salute a chhawn a ni.
Vawiin vek hian zing dar 7:00 ah Tlabung PCSA Play Ground-ah Pu Nihar Kanti Chakma, Minister in hman puanzar pawtparhin parade contigent te chibai a chhawn bawk a ni.
Thu sawiin Minister chuan ram leh hnam inpumkhatna tha nei zel turin leh state ralmuang ni zel turin mitinte sorkar tanpuia thawkho turin a sawm a ni. Lunglei leh Tlabung ah hian Independence Day thil pek Hospital leh Chhanchhuahna in hrang hrangah hlanna neih a ni a. Tlabung Leprosy Centre-ah pawh thil pek hlanna neih a ni bawk.
Hnahthial Sub-Division ah pawh zing dar 10:00 khan Pu John Siamkunga, bialtu MLA in hnam puanzar pawtparhin parade contingent 14 te salute a chhawn a ni.
