Nimin khan Parliamentary Secretary Pu Lalrinmawia Ralte chuan Ngopa-ah Independence Day a hmanpui a.

Thuchah sawiin Pu Lalrinmawia Ralte chuan, Kuthnathawktute chhanchhuahna hna thawh mek NLUP chu hlawhtlinpui ngei tum turin mipuite chu a ngen a. Hetiang hun tha hi kut hnathawktuten kan nei zen zen lova, kan hlawhtlinpui hian tu tan mah a ni lova, keimahni tan zel a ni. Kum 40 zet UT leh state sawrkar kan lo neih tawh chhung hian hetiang hun kan neih khat zia hi hre reng ila, thil har tak, sum tam tak ngai a nih avangin NLUP ang chi hi kan nei fo lo mai thei tih hriaa hlawhtlin ngei ngei kan tum a tul hle a ni a ti.

Kawng dang dangah hmasawnna duhin hmanhmawh hle thin mah ila nghah peih a ngaih thu te, hmasawnna tak tak chu zan hnih khat thil thu a thlen ruak ruak theih a nih loh avangin, tha taka sawrkar hmalakna tawiawm chung zel a, chhel taka nghah ve a tul bawk thin a ni tih a sawi bawk a. Zirlaite chu ram hnam nghahfak an nih avangin nu leh pate leh khawtlang hruaituten zirna hi ngaih pawimawh bera kan neih a tul a ni a ti bawk.