ZOHANDCO Chairman Pu R.Vanlalvena chuan North Vanlaiphai ah Independence Programme a hmanpui a. Independence Day thuchah sawiin zalenna sualtute inpekna zarah zalenna hlu tak kan nei a ni, a ti a. Zalenna in a ken tel chu remna leh muanna leh hmasawnna a ni a, Mizoram pawh state naupang tak la ni mahse, state changkang zawk leh hnam upa zawk te tihdan zirin chak takin hmasawnna kawng ah ke a pen mek a ni a ti a.

Mizoram sawrkar hmalakna hrang hrang leh hlawhtlinna tarlangin zoram mipuite chu sawrkar hmalakna ah te rinna nghat ngam tur leh sawrkar thlawp tlat thin turin a sawm a. Kan ram leh hnam zahawmna chu keimahni thawhchhuah tur a nih avangin tumruhna, taihmakna leh rinawmna nei chungin chu kawng chu kan zawh a ngai a. Hnam dang hnathawhsak tur leh rawngbawlsak tu atan Pathian in min siamlova, mahni thawhchhuah a inchawm a, intodelh turin kan ramah hian Pathian in min dah tih hi kan rilru ah kan vawng reng tur a ni a ti. Intodelhna hi kan thupui ah kan vawn tlat chuan kan ropui zual zel dawn a ni tiin India leh khawvel ram dangah pawh mahni thawhchhuaha intodelh te chu hnam zahawm leh midangte ngaihsan rawn a ni a ti.