Paliamentary Secretary Pu K.Lalrinthangan West Phaileng a Independence Day Programme a hmanpui a. He huna hian India ram in zalenna a sual chhuah dante leh zalenna hlutzia te sawiin zalenna sualtute hlutna hrenawn leh theuh turin mipui pungkhawm te a chah a. Zalenna hnuaiah Kan chenna ram Pathian min pek ah hian rinawmna leh taihmakna nen khua leh tui tha ni theuh kan tum anga ram inpumkhatna tur in ke kan pen chhuak theuh tur a ni a, chu chu khua leh tui tha mawhphurhna a ni a ti.

Pu K.Lalrinthanga, Parliamentary Secretary, Horticulture etc. chuan Mizoram sawrkar hmalakna lian tham tam tak sawiin hlawhtlinna hmuh theih a awm tawh te leh sawrkar hmachhawp hrang hrang te a tarlang. Ama Department chan Horticulture, LAD leh Social welfare Department ten west Phaileng leh a chhehvela awm khaw hrang hrang a an kutthlak tawhte leh hmalakna hrang hrang te a tarlang a. Sawrkar in ami te tana a hmalakna te hi a dawngtu mipui ten an thlawp that a ngai a, rinawmna leh tumruhna nen intodelh tum rilru pu a sawrkar atanga tanpuina hrang hrang an dawn te chu awmze nei taka an kalpui a ngaih thu a sawi a ni.