Food Civil Supplies & Consumer Affairs Minister leh Bial MLA ni bawk Pu John Rotluangliana chuan Mamit khua tlawhin, nimin khan Govt. Higher Secondary School, Mamit class-room leh Venghlun YMA Branch Library a hawng.

Govt Higher Secondary School, Mamit Cl-XII room sak thar hawnna ah hian Minister chuan zirlaite chu taima taka an zirlaite zir turin a chah a, khawi hmunah pawh awm ila mahni theuh kan pawimawh a ni, a ti a. Zirlai te chu chhawr tlaka zir chhuak turin a chah a ni.Zirna tih hmasawnna tura zirtirtu te leh khawtlang hruaitute tan ho na chu lawmawm a tih thu a sawi.

Govt Higher Secondary School, Mamit Class-Room sak thar hawn tak hi, Cl-XII room tur a ni a, MLA Fund Rs 1,50,000/- leh Mamit khawchhunga V/C hrang hrang paruk ten Rs 10000/- theuh an thawh atanga sak a ni a, School naupang an pun zel avanga Class-room in a daih tak loh a vangin class room thar hi sak belh a ni. Minister chuan Govt Higher Secondary School, Class Room thar bakah hian Venghlun YMA Branch Library Raja Ram Mohan Roy Library Foundation, Kolkota atanga sum hmuh atanga sak leh din chu a hawng bawk.

Minister chuan lehkha chhiar tam hi finna a ni tiin, khawtlang mipui leh thalaiten tangkai taka an hman a beisei thu a sawi. Library ah hian lehkhabu sanghnih chuang a awm a ni.