Pu Lal Thanzara Parliamentary Secretary chuan India ram Independence Day vawi 65-na chu Saitual Public Playground-ah Khuallian niin a hmanpui.

Pu Lal Thanzara  chuan “India ramin zalenna a hmuh champha vawi 64-naah hian he ni lawm tura lo kal khawm zawng zawng leh Saitual khaw mipui zawng zawng hnenah ka duhsakna sang ber hlanin chibai ka buk che u a.He ni lawmawm min hruai thlengtu Pathian hnenah lawmthu ka sawi a.Kum 1947 vawiin ni angah khan India mipuite chuan tawrhna namen lo, inpekna leh theihtawp an chhuahna avangin Zalenna kan lo hmu ta” a ti.

“Thingtlang leh Khawpuia rethei dawm kan chu State Sorkar ngaihpawimawh hmasak tur a ni a. Hemi atan hian NLUP changtlung zawk leh huam zau zawka bul tan mek a ni.He NLUP hian buh leh thlai tamzawk thar chhuahna tur te, thil deh chhuah awlsam zawka hralh chhuahna tur te a fun khawm vek a ni” a ti

“Saitual Town mipui ten Tui thianghlim in tur hnianghnar taka an neih theihna turin Greater Saitual Water Supply Scheme Tuivawl lui atanga pump chhoh tur Rs.21.53 crore man chu Ministry of DONER atanga hmuh niin hma lak mek a ni “ a
ti bawk.

He mi ni hian SDO ( C ) Saitual Area-a School, Sorkar Department leh NGO hrang hranga thawktute an kal tha hle a.March Past Contingent 24 awmin Independence Day Football Tournament Final Govt.Higher Secondary School Saitual leh Saitual High School ten an khel bawk a ni.