Vawiin chhun dar 12:00 khan DC’s Conference Hall-ah Siaha District Bawrhsap Pi Harleen Kaur IAS hovin Kumin Independence Day vawi 70-na hmandan tura inbuatsaihna kalpui mek thlirletna Meeting neih a ni.

Vawiin Meeting-ah hian kumin Independence Day hmanna tura chanvo nei Department, School leh NGO ten an mawhphurna theuhva inbuatsaihna an neih dante Report pein, thlirhona neih a ni.

Vawiin Meeting-na Chairperson Pi Harleen Kaur IAS chuan Head of Office kalkhawmte chu Indepedence Day lawmna Programme-a an Staff te theuh kokim taka tel tir theuh turin a chah hlawm a. Republic Day leh Independence Day te hi Holiday satliah ang a ngaia, a lawmna Programme-a tel loh mai ching Sawrkar hnathawk leh Zirlai te zingah an awm thin a, hei hi thil pawi tak a ni, a ti. India khua leh tui ka ni, in ti tan chuan Republic Day leh Independence Day lawmna Programme a tel hi kan tih makmawh a ni a. He India ram Ni pawimawh pahnih Republic Day leh Independence Day lawmna Programme a tel lo Sawrkar hnathawkte chu a tul chuan an chungah Action pawh lak theih hial a ni, a ti bawk. Chanchinbu mite chu, an Editorial kaltlangin he Ni pawimawh lawmna Programme hi hlutthiam tura mipuite zirtir thin turin a ngen bawk.

Kumin Siaha khawpuia Independence Day vawi 70-na lawmna Programme-a khuallian tur chu Horticulture Minister Pu. PC. Lalthanliana a ni.