Vawiin khan Independence Day Volleyball Trophy chu Pu John Rotluangliana Deputy Speaker-in a hawng.
Tennis Court a hawnna inkhawm buatsaih Pu Mickey R.Lalenkawla President Mamit District Volleyball Association (MDVA) kaihruaiah Pu John Rotluangliana chuan thusawiin sawrkarin thalaite infiamna lama an talent haichhuah na turin theihtawp a chhuah mek a ni tiin Bialtu anihna anga Sport lama hma a lak lohna ah hriatthiamna a ngen a, Sport lama hmasawnna nasa zawk Mamit District in an neih theih nan thalai te in tui a nih phawt chuan kei pawh ka tlan chhe lovang a ti bawk.
Sawrkarin Mamit khawpuia Sport lama a hmalak mekte tarlangin Volleyball Court cheng nuaih 4 sengin Mamit-ah siam anih tur thu a sawi bawk a ni.
He Volleyball Tournament hawnna hunah hian Dr Lalmalsawma Nghaka, President MVA, Vice Preseident, Volleyball Federation of India pawhin thu a sawi bawk.
MDVA hian Bialtu MLA Pu John Rotluangliana leh Dr Lalmalsawma Nghaka, President MVA te hi chawimawina thuziak an hlan nghal a ni
Independence Day Volleyball Trophy 2013 hi MDVA buatsaih niin District chhung khaw hrang hrang atangin mipa team 10 leh hmeichhe team 5 an tel a ni.
