Vawiin khan Aijal Club-ah India(Mizoram Sector) - Bangladesh Joint Boundary Conference(IBJBC )vawi 43-na chu neih a ni a. He hunah hian India ram aiawh te leh Bangladesh aiawh palaite bakah Mizoram sawrkar aiawh official te chuan ramri chungchangah inrawnkhawmna leh sawihona hun, nilengin an hmang a ni. 

India(Mizoram Sector) - Bangladesh Joint Boundary Conference vawi 43-naah hian Nikum lama Dhaka khawpuia IBJBC vawi 42-na in thutlukna leh rawtna a lo siam tawhte thlirho a ni a, Ramri chhinchhiahna ban(Boundary Pillar) te phun chungchanga Border Security Force(BSF) leh Border Guard Bangladesh(BGG) ten Joint Report an thehluh te sawiho a ni a, 2018 - 19 chhunga Field Session neih dan tur pawh rel a ni a, India-Bangladesh Border(IBB) huang chhunga mawhphurhna leh chanvo insem dan te sawiho a ni a, Global Navigation Satellite Systems(GNSS) hmanga Border Posts(BPs) vil chungchang te, JBC neih leh hun tur chungchangte bakah thil pawimawh dangte sawiho a ni. 

IBJBC vawi 43-naah hian India team te chu Pu Sanjay Kumar, Director, LR & S( Ex-Officio), MIzoram & Tripura, Director, Survey of India, West Bengal & Sikkim GDC ni bawk te, Pu BK Roy, Superintending Surveyor, West Bengal & Sikkim GDC, Survey of India, Pu Rup Kumar Das, Officer Surveyor, Camp Officer( Mizoram Sector), Pu Subesh Kumar, UDC, WB & Sikkim GDC, Survey of India, Pu D.Haokip, DIG, BSF leh Pu Ravi Yadav Dy.Commandand, BSF te an ni a. Mizoram sawkar aiawhin Pu C. Lalpeksanga, Director, LR & S, Pi Lalbiaksangi, Joint Secretary, Home leh Official dang te an tel bawk a. Bangladesh Team te chu Brigadier General Zakir Ahmed, Surveyor General of Bangladesh, Survey of Bangladesh, Lt Col Mohamed Atique Chowdhury, Commanding Officer, 12 BGB, Chotohorina, BGB, Pi Ferdousi Akhter, Deputy Secretary, Ministry of Defence, Bangladesh, Pu Mohamed Abul Kalam, Director, Survey of Bangladesh, Pu Mohamed Mustafizur Rahman, DD, Survey of Bangladesh leh Pu Mohamed Mosharaf Hossain, Assistant Director, Survey of Bangladesh te an ni.