Vawiin dar 8:30 AM khan Chief Minister Bangla atangin India chhiarpui 2011 tan a ni. Chief Minister Pu Lal Thanhawla leh a thiannu Pi Lal Riliani te chu chhiarpui lehkhabu ah ziahluh hmasak ber an ni. Dar 9:30 AM khan Census Official te chuan Chief Secretary hmu in a hming Chhiarpui lehkhabu ah an ziak lut ve leh nghal. Chhiarpui 2011 hi thuang hnih thawh tur niin; thawhkhatna kum in April atanga September thla tawp thleng leh thawh hnihna nakum February 9 atanga February 28 thleng.Mizoram bakah Jammu & Kashmir, Rajasthan leh Bihar ah te vawiin hian tan vek a ni.Tun tum ah hian a vawikhatna atan National Polulation  Register(NPR) Census ruala neih nghal tum a ni.

Chief Minister chuan Population Census of India 2011, February- March,2011 a neih tur chu a vawi 15 na a nih thu leh he hna hautak em em mai kum 1872 atanga tan tawh niin  kum 10 dan a neih ziah a ni a ti.Census tello chuan mipui dinhmun chiangkuang a hriat theih lohva, sawrkarin hmalak dan tur a ruahmanna kawngah harsatna  a awm thei dawn a ni a ti.Census Act 1948 (Census Dan) chuan mitin te chhanna  kimchang puanzar lohturin a vawn that tlat thu a sawi.Mizoram mipuite pawh Census felfai taka neih a nih theih nan Official te tha taka tawiawm  turin a ngen nghal.

Census 2011 thawhkhatna kumin April atanga September thla tawp thleng neih tur ah hian Houselisting, Housing Census leh National Population Register te kalpui a ni ang. Thawhhnihna nakum February 9 atang a February 28 thleng neih tur ah hian Population Enumeration neih a ni ve thung ang.Mizoram bik ah chuan thawhkhatna hi vawiin atanga tanin June 30 ah zawh a ni ang. Official te chuan chhungkawtin te heng a hnuai a tarlan chhang thei tur hian lo in ring lawk se an duh hle;eizawnna,Zirna lam, tawng hman,sakhuanna,pian leh murna, pianni, in leh lo, rosum leh thil hlu kawlte, electric-tui connection chungchang leh ekin-inthiarna neih leh neihlo chungchang te.Tun Census ruala neihtur National Population Register hi Citizenship Act,1955 leh Citizenship Rules, 2003 tlawhchhan a din a ni.NPR thiltum lian deuh deuh te chu; khua leh tui (citizen)te nihna kimchang(Identity) tha zawk neih, Sawrkar Scheme hrang hrang a dawng tur dik tak ten an dawn theihnan, Planning in hma a sawn nan, Ramchhung venhimna kawng a sawrkar a lo phuisui zawk nan te.

Tukin Census tan na ah hian, SK.Chakraborty, Deputy Director General, Deeraj Jain, Dy.Director, Office of the registrar General and Census Commissioner of India te bakah C.Thanchhuma,IAS, Deputy Commissioner, Aizawl, HP Sahu,IAS, Director, Directorate of Census,Mizoram leh Census Official te an tel.Mizoram tan bik Principal Census Officers(All Deputy Commissioners) 8, Charges( officer in-charge) 92,  Supervisors 392, enumerators 2354 ruat an ni

Attachment

  • Loading attachment...