INTACH Mizoram Chapter leh School Education Department tangkawp chuan India Heritage Quiz-2014 chu vawiin khan Govt. Mizo High School, Aizawl-ah an buatsaih. He inelnaah hian hnam rohlu hrang hrang lama hriatna leh thiamna (heritage awareness) chungchangah school thlan bik 15 atanga zirlai ten ziaka inelna an nei a ni. INTACH Mizoram Chapter Convener Pu P. Rohmingthanga chuan he inelna hian school naupangte hriatna tihzauin, an zirlaiah pawh a tanpui tur thu an sawi a.

INTACH hmalakna hnuaiah kumtin school naupangte tan inelna hrang hrang buatsaih lo ni tawh thin in, tun tum hi a vawi li na a ni a. Rampum huapah pawh Mizo zirlai lawmman dawng an lo awm tawh a ni. India Heritage Quiz-2014 hi INTACH-in rampum huap quiz a buatsaih a ni a. Zirlai class-7 atanga class-10 thleng tel theih a ni a. Vawiina State level Quiz (written)-ah hian zirlai 100 bawr vel an tel a. School titha zual pathumte chu a hnuai ami ang hi an ni:

1. Pakhatnate chu St. Pauls Higher Secondary School atangin Laetitia Lalrinngheti (Class X) leh B. S. Kindwar (Class X).

2. Pahnihnate chu Gospel Centenary School atangin Lalrempuii (Class VIII) leh Vanlalvuana (Class VII).

3. Pathumnate chu Neuhof English Medium School atangin Dayne Tiamsangliana (Class IX) leh Benjamin Lianhmingsanga Khawbung (Class IX).

He written quiz competition-a pakhatna - St. Pauls Higher Secondary School aiawhte hi Guwahati Zonal Competition-ah an tel dawn a. Zonal Competition- tithe thlanchhuahe chu National Level intihsiakna a tel turin Delhi-ah an kal leh ang.